Samfélagsmiðlar

Íslenskum farþegum fjölgar verulega milli mánaða

Frá jómfrúarferð Play til London sumarið 2021. Í nýliðnum apríl voru að jafnaði 9 af hverjum 10 sætum í ferðum félagsins til bresku höfuðborgarinnar bókuð. Nú verður brottförunum þangað fjölgað með síðdegisferðum.

Það voru 102 þúsund farþegar sem nýttu sér áætlunarferðir Play út í heim í apríl eða nærri þrefalt fleiri en á sama tíma í fyrra. Framboðið jókst álíka mikið en þó minna. Sætanýtingin batnaði því og fór úr 72 prósentum í 81 prósent.

Hlutfall farþega frá Íslandi var 33,5 prósent í apríl sem er töluvert meira en mánuðina á undan eins og sjá má hér fyrir neðan. Skýringin á þessu kann að liggja í útþrá Íslendinga yfir páska enda voru bílastæðin við Leifsstöð uppbókuð nokkrum dögum áður en páskafríið hófst. Vægi ferðamanna í þotum Play dróst saman í apríl en tengifarþegarnir voru í takt við það sem verið hefur nú í ár.

„Apríl var mjög góður mánuður í flugrekstrinum, farþegarnir fleiri en hundrað þúsund og stundvísin upp á 85,3%. Vorið er krefjandi tími fyrir flugfélag í örum vexti. Við erum að bæta verulega í starfsemina fyrir sumarið, taka fjórar nýjar vélar í gagnið og ræsa fjölda nýrra áfangastaða í leiðakerfinu. Nýir áfangastaðir hafa í för með sér nokkurt aukaálag til að byrja með enda er oft ójafnvægi fyrstu vikurnar; fleiri farþegar fara út en fljúga heim. Í ljósi þessara áskorana erum við ánægð með 80,8% sætanýtingu í apríl. Hún sýnir að áfangastaðir okkar sem fyrir voru eru að skila mjög fullnægjandi árangri, eins og hinir nýju munu gera þegar aðlögunarfasi fyrstu viknanna er liðinn. Tekjurnar okkar eru að aukast og sérstaklega hliðartekjurnar, sem hafa aukist um 25% á hvern farþega á síðustu mánuðum,“ segir Birgir Jónsson, forstjóri Play, í tilkynningu. Hann bætir því við að bókunarstaðan sé sterk.

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …