Samfélagsmiðlar

Markaðsvirði flugfélaganna lækkað um 11 milljarða króna á einni viku

Afkoma Icelandair og Play á fyrsta fjórðung olli fjárfestum vonbrigðum enda hafa hlutabréf félaganna lækkað umtalsvert sl. viku. Gengið féll áfram á eldrauðum degi í Kauphöllinni í gær.

Við lokun Kauphallarinnar á fimmtudaginn í síðustu viku birtu Icelandair og Play uppgjör fyrir fyrsta fjórðung ársins. Niðurstaðan var tap, fyrir skatt, upp á 9,3 milljarða króna hjá Icelandair og þrjá milljarða hjá Play. Þar með hefur það síðarnefnda tapað samtals 14 milljörðum króna frá ársbyrjun 2021.

Hjá Icelandair hefur árið ekki byrjað eins illa í langan tíma ef Covid-árið 2020 er frátalið.

Við opnun Kauphallarinnar á föstudaginn í síðustu viku féll gengi hlutabréfa í flugfélögunum báðum og viku síðar nemur lækkunin 19 prósentum hjá Play og 11 prósent hjá Icelandair. Úrvalsvísitala Kauphallarinnar hefur á sama tíma lækkað um 8,8 prósent og má rekja hana að langmestu leyti til óvenju mikillar lækkunar í gær.

Markaðsvirði Play hefur síðastliðna viku farið úr 11,5 milljörðum kr. niður í 9,4 milljarða. Verðmæti hlutabréfanna í Icelandair hefur á sama tíma lækkað úr 84,7 milljörðum niður í 75,7 milljarðar kr.

Samtals nemur lækkun flugfélaganna 11,2 milljörðum króna en til samanburðar töpuðu þau samanlagt rúmlega 12 milljörðum króna á fyrsta fjórðungi ársins.

Evrópsk flugfélög tapa vanalaga umtalsverður fjárhæðum í upphafi árs og stjórnendur þeirra verða svo að vinna upp tapið yfir sumarið. Og að mati forstjóra Icelandair og Play eru horfurnar góðar fyrir næstu mánuuði, bókunarstaðan er sterk og fargjöldin hærri en áður.

Til viðbótar fellur verð á þotueldsneyti dag frá degi og er nú komið niður í 695 dollara á tonnið. Þessi lækkun skilar sér þó ekki að öllu leyti til flugfélaganna eins og Túristi fór yfir í fyrradag.

Nýtt efni

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …

Clive Stacey hefur skipulagt ferðir fyrir Breta til Íslands í áratugi en ferðaskrifstofa hans, Discover the World, hefur fleiri áfangastaði á boðstólum. Og kannski sem betur fer, því nú hefur eftirspurn eftir Íslandsreisum dregist saman. „Í fyrsta sinn í 40 ára sögu fyrirtækisins höfum við selt fleiri ferðir til Noregs en til Íslands. Fyrirspurnum um …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Við þessa breytingu lagðist tímabundið niður sala á gjaldeyri á Keflavíkurflugvelli þar sem Change Group hafði ekki fengið tilskilin leyfi til að sinna gjaldeyrisviðskiptum hér …

„Við erum hörkuánægð með þessa leið," segir Tómas Ingason, framkvæmdastjóri tekju-, þjónustu- og markaðssviðs Icelandair, aðspurður áhugaverðar farþegatölur frá í Raleigh-Durham í Norður-Karólínu. Þær sýna að 5.443 farþegar nýttu sér ferðir Icelandair til og frá flugvellinum í mars sl. sem þýðir þoturnar hafi verið þéttsetnar í nánast hverri ferð enda var sætanýtingin 94 prósent að …

Árið 1990 voru 60 prósent allra viðskipta í smásöluverslunum í Danmörku lokið með greiðslu peningaseðla. Búðirnar tóku á þessum árum fúslega við krumpuðum peningaseðlum og gáfu til baka annað hvort með öðrum jafn sjúskuðum peningaseðlum eða nýstraujuðum seðlum beint úr hirslum Seðlabankans.  Í dag, rúmum þrjátíu árum síðar, enda einungis 9 prósent innkaupa með greiðslu peningaseðla. …