Samfélagsmiðlar

Reiknar með að biðin eftir nýju Airbus þotunum lengist umtalsvert

Eftir heimsfaraldur gengur framleiðsla á mörgu hægar en áður, það á líka við um farþegaþotur.

Stuttu eftir að Airbus flugvélaframleiðandinn svipti hulunni af hinum óvenju langdrægu A321 XLR þotum árið 2019 þá lagði Bill Franke, sá sem íhugaði að kaupa stóran hlut í Wow Air, inn pöntun á fimmtíu eintökum af þotunni. Fjárfestingafélag Franke, Indigo Partners, bætti svo pöntun á 255 flugvélum frá Airbus til viðbótar í hittifyrra.

Ætlunin er að skipta þotunum á milli þeirra flugfélaga sem Indigo Partners eiga hlut í, þar á meðal Wizz Air sem er stórtækt í Íslandsflugi.

Þegar kaupsamningarnir voru undirritaðir var búist við að Airbus myndi afhenda fyrstu vélarnar í síðasta lagi árið 2025. Í dag hefur Franke hins vegar ekki trú á því að þessi áform standist. Skortur á aðföngum hafi hægt á framleiðslu síðustu misseri og muni gera það áfram að hans mati. Ástandið gæti jafnvel varað til ársins 2028 og þar með muni Indigo Partners og fjöldi flugfélaga þurfa að bíða lengur en áætlað var eftir nýjum flugvélum.

Þetta kom fram í máli Franke á flugráðstefnu vestanhafs nýverið samkvæmt frétt The Airline Observer.

Þar er bent á að þessi spá sé í takt við það sem Steven Udvar-Hazy, stjórnarformaður Air Lease, stærstu flugvélaleigu heims, hélt fram í byrjun vikunnar. Sá telur að tafir á afhendingu nýrra flugvéla, bæði frá Airbus og Boeing, gætu varað í nokkur ár til viðbótar. En það var einmitt Air Lease sem átti þotuna sem Isavia kyrrsetti þegar Wow Air varð gjaldþrota.

Icelandair er eitt þeirra flugfélaga sem nú treystir á að framleiðsla á Airbus þotum verði hröð næstu árin. Fyrir nýliðna páska skrifaði félagið undir viljayfirlýsingu um kaup á nýjum Airbus A321XLR þotum sem afhenda á árið 2029. Strax á þarnæsta ári ætlar félagið hins vegar taka í gagnið nýjar leiguvélar að tegundinni A321LR.

Biðin eftir þessum þotum gæti þó orðið lengri ef stöðumat Franke og Udvar-Hazy reynist rétt. Þar með gæti félagið þurft að nota hinar gömlu Boeing 757 þotur ennþá lengur en gert var ráð fyrir.

Nýtt efni

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …

Icelandair sagði 82 starfsmönnum upp fyrir síðustu mánaðamót en þær uppsagnir náðu ekki til áhafna flugfélagsins. Nú er hins vegar komið að þeim hópi því fyrir helgi fengu 57 flugmenn uppsagnarbréf og eins voru 26 flugstjórar færðir í stöðu flugmanna. Við þá breytingu lækka laun viðkomandi um fimmtung samkvæmt því sem FF7 kemst næst.  Flugmönnum …