Samfélagsmiðlar

„Tækifærin eru fyrir hendi“

„Þetta tekur tíma og það getur komið eitt og eitt bakslag. Það þýðir ekki að við eigum að gefast upp," segir Sigurður Ingi Jóhannsson, innviðaráðherra, um hversu hægt gengur að koma á föstu áætlunarflugi frá útlöndum til Akureyrar og Egilsstaða. Hann telur að Icelandair geti bætt flugtengingar innanlands við Keflavíkurflugvöll. Ráðherrann sat málþing um fjárfestingar í ferðaþjónustu á Austurlandi.

Sigurður Ingi Jóhannsson, innviðaráðherra, við Hótel Valaskjálf

Það voru mkil fundahöld á Hótel Valaskjálf á Egilsstöðum í gær. Samband sveitarfélaga á Austurlandi hélt aðalfund sinn. Þar var Sigurði Inga Jóhannssyni, innviðaráðherra, afhent Svæðisskipulag Austurlands og var nýr vefur skipulagsins kynntur. Síðast á dagskránni í Valaskjálf var málþing um fjárfestingar í ferðaþjónustu á Austurlandi.

Sigurður Ingi og aðstoðarmaður hans, Sigtryggur Magnason á málþinginu – MYND: ÓJ

Nú hefur þú hlustað á sveitarstjórnarfólk hér á Austurlandi og heyrt tóninni í þeim sem starfa við ferðaþjónustu og í tengslum við hana. Allir tala um vannýtt tækifæri á Austurlandi. Það sem fyrst og fremst vanti séu betri flugtengingar og að fjárfest sé í innviðum hér: samgöngumannvirkjum, hótelum og afþreyingarkostum. Hvernig horfir þetta við þér?

„Þetta hefur staðfest það sem maður hefur verið að vinna að og fólk hefur verið að tala um: að opna þurfi fleiri gáttir inn í landið, nýta alþjóðaflugvelli okkar betur, bæði á Egilsstöðum og Akureyri. Fyrir þennan huta landsins skiptir það miklu máli vegna þess að margir þeirra sem koma til landsins og lenda á Keflavíkurflugvelli hafa kannski ekki nægilega marga daga til að geta ferðast allan hringinn. Við þekkjum líka þensluna á Suður- og Suðvesturlandi. Það er einfalt að fara Gullna hringinn, í Reynisfjöru eða Jökulsárlón í einum spreng á einum degi.

Málþingið á Hótel Valaskjálf – MYND: Austurbrú

Þetta ákall er mjög skiljanlegt.  Við höfum reynt að svara því með stofnun flugþróunarsjóðs 2015, byggja upp þessa tvo varaflugvelli fyrir Keflavíkurflugvöll, sem um leið verða betur búnir til að taka á móti fleiri farþegum. Það verður hinsvegar dálítil áskorun að gera það. Við höfum séð það á undanförnum árum að stundum koma mjög jákvæðar fréttir en svo gufa þau tækifæri upp. Það er mikilvægt að halda áfram. Dropinn holar steininn. Kannski verður þetta alltof svona ströggl. Ég held að við verðum að viðurkenna að ef á að takast að byggja ferðaþjónustuna upp sem heilsársgrein allan hringinn þá verðum við að vera tilbúin að verja fjármunum í það – fjárfesta í greininni.”

Gamli bærinn á Seyðisfirði laðar fólk að – MYND: ÓJ

Þú ert fulltrúi ríkisvaldsins. Ekki ætlar ríkið að gera þetta allt saman. Væntanlega verða það einkaaðilar sem reka flugþjónustuna við landsbyggðina og byggja upp aðra innviði en flugvelli og vegi?

„Jú, það er rétt. Ég var hér í árdaga, uppúr 1990, ungur sveitarstjórnarmaður að vasast í ferðaþjónustu á Suðurlandi. Nú finn ég að svipað er að gerast hérna. Fólk reynir að bindast samtökum og finna sameiginlega framtíðarsýn. Mér finnst ég eins og staddur á fundi á Kirkjubæjarklaustri 1996. Við fengum um 200 þúsund ferðamenn og veltum fyrir okkur að kannski gætu þeir orðið 500 þúsund. Þá væri björninn unninn! Nú tæpum 30 árum síðar koma hingað rúmlega 2 milljónir ferðamanna en ákveðinn hluti af landinu er enn vannýttur. Fólkið sem býr í þeim landshlutum telur að tækifærin séu þar. En leiðin til að nýta þessi tækifæri er ekki bara sú að ríkið komi með fjármuni eða einhverja innviði. Fólkið verður sjálft að grípa tækifærin.”

Farið um Berufjörð – MYND: ÓJ

Er ástæða til að vera með meiri tilætlunarsemi í garð Icelandair – að flugfélagið sinni betur flugtengingum milli Keflavíkurflugvallar og flugvallanna á Akureyri og Egilsstöðum? 

„Innanlandsflugið hefur verið samtvinnað öðrum flugrekstri félagsins og fólk getur keypt ferðir alla leið, t.d. frá New York til Vestmannaeyja, Egilsstaða eða Akureyrar. Þannig skapast betri forsendur fyrir því að selja áfangastaði og dreifa ferðafólki.”

Þetta gengur hægt hjá Icelandair. Það eru ekki enn komnar beinar flugtengingar milli Keflavíkur og þessara staða sem þú nefndir úti á landi. 

„Já, þetta hikstaði. Covid-19 kom. Við verðum að umbera það. Ég hugsa að þeir geti gert betur á þessu sviði og veit ekki annað en að þeir séu tilbúnir til þess.”

Sumarmynd frá Egilsstaðaflugvelli – MYND: ÓJ

Þú heyrðir það hér á málþinginu í Valaskjálf að það voru mikil vonbrigði að þýskt flugfelag, Condor, sem hafði boðað komu sína til Egilsstaða og Akureyrar núna í sumar, hætti við þau áform. Þetta var bakslag og skiljanlegt að vonbrigði fylgi því.

„Já, þetta er eitt af því sem við verðum að sætta okkur við. Þetta tekur tíma og það getur komið eitt og eitt bakslag. Það þýðir ekki að við eigum að gefast upp. Tækifærin eru fyrir hendi. Ég hef heyrt svona sögur frá Nýja-Sjálandi, þar sem reynt hefur verið að gera hið sama. Þar sögðu menn að þetta væri auðvitað erfitt. Af því að tími ferðamannsins er knappur, þá vill hann fara þangað sem allir hinir fóru – til að upplifa það sama og allir hinir. En smátt og smátt verða til ferðamenn sem hafa komið til Íslands en vilja koma aftur og upplifa eitthvað annað. Þá er mikilvægt að til séu nýjar leiðir, nýjar opnanir – önnur tækifæri. Við eigum ekki að gefast upp.”

Landgangur í Norrænu – MYND: ÓJ

Ég skrapp til Seyðisfjarðar og fylgdist með umferðinni til og frá ferjuhöfninni. Erlendir ferðamenn aka þennan fjallveg yfir Fjarðarheiði ásamt heimafólki og okkur hinum. Manni þykir skiljanlegt að heimafólkið sé orðið óþreyjufullt í bið eftir veggöngum.

„Já, það hefur verið baráttumál Seyðfirðinga lengi. Við erum með hringtengingu Austurlands í jarðgangaáætlun. Þar eru Fjarðaheiðargöng fyrsti kosturinn. Auðvitað eru umræður um þann kost. Þetta yrðu lengstu göng á Íslandi og þeim fylgdi umtalsverður kostnaður. Þó að það sé fallegt og mikil upplifun á góðum degi að fara um Fjarðarheiði þá er það ekki gaman í hálku og vetrarfærð.”

Vegurinn á Fjarðarheiði – MYND: ÓJ

En er gaman að vera innviðaráðherra nú þegar kallað er eftir aðhaldi í ríkisfjármálunum?

„Það er gaman að því leyti að athyglin er mikil, eftirspurn og væntingar. Auðvitað er það þannig að við þurfum að gæta aðhalds í einhvern tíma. Stærsta verkefni okkar er að ná niður verðbólgunni til að líf okkar allra verði bærilegra. En ég er líka bjartsýnn – bæði til skemmri tíma og hvað þá til lengri tíma litið varðandi þau tækifæri sem Ísland býður upp á.”

Ferðafólk stöðvar til að skoða Gufufoss í Seyðisfirði – MYND: ÓJ

Það er hægt að teikna og gera áætlanir.

„Já, það er hægt og þarf ekki að kosta mjög mikið eða auka mikið þenslu. Ég vonast til að við getum haldið þokkalegum dampi en samgönguráðherrann myndi vilja gera miklu meira.

Brugðið á leik eftir viðtal – MYND: ÓJ

Nýtt efni

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …

Icelandair sagði 82 starfsmönnum upp fyrir síðustu mánaðamót en þær uppsagnir náðu ekki til áhafna flugfélagsins. Nú er hins vegar komið að þeim hópi því fyrir helgi fengu 57 flugmenn uppsagnarbréf og eins voru 26 flugstjórar færðir í stöðu flugmanna. Við þá breytingu lækka laun viðkomandi um fimmtung samkvæmt því sem FF7 kemst næst.  Flugmönnum …