Samfélagsmiðlar

Þrjú ný í framkvæmdastjórn

Hilmar, Þóra og Ófeigur.

Kynnisferðir, sem starfar undir vörumerkinu Icelandia, hafa ráðið þrjá nýja framkvæmdastjóra en fyrirtækið er eitt stærsta ferðaþjónustufyrirtæki landsins.

Hilmar Stefánsson tekur við sem framkvæmdastjóri ferðasviðs, Þóra Eggertsdóttir verður framkvæmdastjóri fjármála og fasteigna og Ófeigur Friðriksson mun leiða bílaleigu Kynnisferða sem rekin er undir vörumerkinu Enterprise.

Í tilkynningu segir að Hilmar hafi mikla reynslu af ferðaþjónustu. Hann var framkvæmdastjóri hvalaskoðunarfyrirtækisins Special Tours frá 2015 til 2022. Áður átti hann Hvalalíf sem sameinaðist inn í Special Tours árið 2012. Sem framkvæmdastjóri ferðasviðs mun Hilmar bera ábyrgð á afkomu, vöruframboði og þjónustu Reykjavik Excursions, Flybus og Hálendisrútunnar.

Þóra kemur til Kynnisferða frá flugfélaginu Play þar sem hún leiddi fjármálasviðið og skráningu flugfélagsins á hlutabréfamarkað. Áður var hún hjá Icelandair og starfaði sem fjármálastjóri Air Iceland Connect.

Ófeigur hefur langa reynslu af rekstri bílaleiga, bæði frá Avis og Bílaleigu Reykjavíkur. Kynnisferðir er umboðsaðili Enterprise, Alamo og National vörumerkjanna og verða með tæplega eitt þúsund í rekstri í sumar.

“Íslensk ferðaþjónusta hefur tekið hratt við sér á síðustu mánuðum eftir að við sáum fyrir endann á faraldrinum. Velta Kynnisferða var á síðasta ári kr. 11,5 milljarðar og í sumar munu yfir 500 manns starfa hjá okkur. Rekstur félagsins hefur breyst mikið eftir sameiningu við Eldey TLH og Activity Iceland og er félagið orðið afar fjölbreytt ferðaþjónustufyrirtæki. Við erum gríðarlega ánægð með að fá Þóru, Ófeig og Hilmar inn í framkvæmdastjórnarteymið okkar. Stefna félagsins er að veita viðskiptavinum okkar afar fjölbreytta þjónustu með áframhaldandi áherslu á gæði og öryggismál, ásamt framúrskarandi þjónustu og gera þannig upplifun okkar gesta sem allra besta þegar þeir heimsækja Ísland,“ segir Björn Ragnarsson forstjóri Kynnisferða, í tilkynningu.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …