Samfélagsmiðlar

AECO leitast við að styrkja tengslin við heimamenn

Útgerðir skemmtiferða- og leiðangursskipa sýna Íslandi vaxandi áhuga, eins og skipaumferðin um landið er til vitnis um. AECO eru samtök skipafélaga leiðangursskipa á norðurslóðum. Þau leggja áherslu á samstarf við heimafólk og segjast vilja sýna ábyrgð í umhverfismálum.

Fulltrúar AECO hittu hagaðila á nokkrum stöðum á siglingu kringum landið. Komið var við á níu stöðum, m.a. á Patreksfirði, Akureyri og í Grímsey.

„Áhuginn á Íslandi sem áfangastað hefur aukist og þar með einnig umsvif AECO á Íslandi. Nýjasta verkefni samtakanna er Clean Up Iceland sem hófst formlega í Skagafirði í maí. Skipulagðar strandhreinsanir eru ein leið fyrir leiðangursskip til að skapa ágóða á áfangastöðum. Annað verkefni kallast Made in the Arctic, og miðar að því að ýta undir fjárhagslegan ágóða af leiðangursskipum með því að kortleggja hvað er framleitt á hverjum stað. Það mun gera skipafélögum leiðangursskipa og gestum þeirra auðveldara að kaupa meira af vörum og þjónustu á hverjum stað. Verkefnið felur einnig í sér fyrstu sýningu AECO í október, AECO Market Place, sem mætir þörfum skipafélaga og fyrirtækja,“ segir í fréttatilkynningu frá AECO.

Meðal þess sem rætt var á fundum AECO með heimafólki var álagsstýring. Í fréttatilkynningunni er þetta haft eftir Elfari Steini Karlssyni, hafnarstjóra á Patreksfirði:

„Við höfum verið að skoða að takmarka fjölda skipa eða fjölda farþega á dag sem koma til Patreksfjarðar. Þannig munum við geta veitt gestum betri upplifun og bæjarbúar verða rólegri við að vita að við höfum tök áþessari grein ferðaþjónustunnar. Það gladdi okkur að heyra að AECO styður okkur í þessum aðgerðum.“

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …