Samfélagsmiðlar

Fjármálafyrirtæki og fjölmiðlar segja upp fólki

Það verða færri sem verða á mæta til vinnu við Wall Street í haust.

Bandarískir bankastjórar hafa að undanförnu þurft að grípa til sparnaðaraðgerða þar sem gangurinn í efnhagslífinu er mun hægari en áður. Færri eru að kaupa og selja fyrirtæki. „Atvinnumarkaðurinn hefur líklega ekki verið svona erfiður síðan í fjármálakreppunni árið 2008,“ hefur Financial Times eftir framkvæmdastjóra ráðningafyrirtækis í fjármálageiranum.

Niðurskurðurinn hjá stærstu fyrirtækjunum á Wall Street telur brátt 11 þúsund manns samkvæmt frétt Financial Times.

Citigroup er stórtækast í þeim hópi því þar munu 5 þúsund starfsmenn fá uppsagnarbréf fyrir mánaðamótin, flestir á fjárfestingbankasviðinu. Goldman Sachs og Morgan Stanley hafa einnig gripið til eða boðað hópuppsagnir.

Það eru ennþá fleiri sem misst hafa vinnuna í fjölmiðlageiranum vestanhafs í ár eða um 17 þúsund manns samkvæmt frétt Axios. Þetta er stærri hópur en fékk uppsagnarbréf í byrjun heimsfaraldursins. Tekjur fjölmiðla af áskriftum og auglýsingum eru að dragast saman og hækkandi vextir eru þung byrði fyrir skuldsettustu fyrirtækin.

Auglýsendur leita sífellt oftar til tæknifyrirtækja en hefðbundinna fjölmiðla. Ný samantekt M Group, eins stærsta birtingafyrirtækis í heimi, sýnir að 25 fyrirtæki sitja á um 75 prósent af auglýsingamarkaðnum og af þessum 25 fyrirtækjum eru 17 tæknifyrirtæki. Fremst í þeim flokki eru Google og Meta, móðurfélag Facebook og Instagram.

Nýtt efni

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …