Samfélagsmiðlar

„Flugheiminum hefur tekist að mæta væntingum almennings“

Stjórnendur flugfélaga heimsins eru nokkuð upplitsdjarfir eftir að hafa endurheimt farþega sína úr klóm heimsfaraldurs en við þeim blasa þó fjölmörg stór verkefni og vandkvæði að leysa úr. Aðalfundi Alþjóðasambands flugfélaga, IATA, lýkur á morgun í Istanbúl í Tyrklandi.

Willie Walsh ávarpar aðalfund IATA

Það er fjölmennt á aðalfundi IATA í Istanbúl, þar sem Turkish Airlines og Icelandair nýttu tækifærið og undirrituðu samstarfssamning. Fulltrúar um 300 flugfélaga eru saman komnir á fundinum í borginni. Auðvitað er undravert að flugfélögin hafi svo fljótt endurheimt viðskiptavini sína. Árið 2020 fækkaði þeim um tvo þriðju vegna sóttvarnaaðgerða og ferðahindrana.

Kvöldsett í Istanbúl – MYND: IATA

En vandamálin eru ekki á burt. Rekstrarkostnaður fer vaxandi, spenna er víða í heiminum sem dregur úr ferðavilja og minnkar svigrúm flugfélaga – en stærsta verkefnið er þó að draga úr mikilli losun frá flugi sem stuðlar að loftslagsbreytingum. 

Það er auðvitað athyglisvert að farþegafjöldinn sé álíka eða meiri víðast og 2019 því að verð á flugmiðum hefur hækkað töluvert síðan. Farmiðasalan í apríl var á mörgum mörkuðum um fimmtungi meiri en á sama tíma fyrir fjórum árum. Skýringar á þessu hafa áður verið nefndar – sú helst að fólk setur ferðalög í forgang eftir heimsfaraldurinn. 

Í skýrslu sem Willie Walsh, framkvæmdastjóri IATA, flutti á aðalfundinum segir að stærsta verkefni flugheimsins sé að gera hann sjálfbærari. Það verði erfitt og taki tíma. Mjög þurfi að vanda til verka en fagnaðarefni sé að geta lagt fram drjúgan skerf í baráttunni fyrir kolefnishlutleysi.

Fundarmenn í Istanbúl – MYND: Natalia Mroz/IATA

„Vinir mínir, við höfum fulla ástæðu til að vera stolt af arðbærum, öruggum, afkastamiklum og sjálfbærum samgöngugeira og rannsóknir sýna að fólk kann að meta hvað við erum að gera,“

sagði Willie Walsh upptendraður í Istanbúl um helgina. Hann nefndi nokkrar tölur máli sínu til stuðnings:

  • 87% fólks telja farþegaflug nauðsynlegt. Finna leið til að gera það sjálfbært án þess að takmarka ferðalög. 
  • 88% telja að farþegaflug hafi jákvæð áhrif á samfélög.
  • 82% telja að flugið leggi fram mikilvægan skerf í þá átt að ná sjálfbærnimarkmiðum Sameinuðu þjóðanna.
  • 91% átta sig á því að flugtengingar eru nauðsynlegar í nútímanum.
  • 81% ferðamanna kunna betur að meta frelsi til að fljúga en þeir gerðu fyrir Covid-19.

„Flugheiminum hefur tekist að mæta væntingum almennings,“ sagði framkvæmdastjóri Alþjóðasambands flugfélaga á aðalfundinum í Istanbul í Tyrklandi. „Á þessu ári gerum við ráð fyrir að gera 4,4 milljörðum manna fært að fljúga örugglega – til að sinna viðskiptum sínum, endurnýja kynnin við ástvini, kanna heiminn og víkka sjóndeildarhringinn.“

Willie Walsh í forgrunni á IATA-fundinum – MYND: Natalia Mroz/IATA
Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …