Samfélagsmiðlar

Flugi um Kaupmannahöfn ætti síður að seinka framvegis

Danska flugleiðsögufyrirtækið Naviar og flugumferðarstjórar hafa náð tímabundnu samkomulagi um kjarabætur og vaktafyrirkomulag. Langvarandi skortur á flugumferðarstjórum hefur leitt til þess að þúsundir farþega hafa þurft að þola seinkanir á flugferðum. Nú er vonast til að þau vandræði séu í bili úr sögunni.

Í brottfararsalnum á Kaupmannahafnarflugvelli

Fátt fer meira í taugar farþega en að ferðaáætlanir þeirra fari verulega úr skorðum. Þetta hafa hinsvegar margir þurft að þola á Kaupmannahafnarflugvelli að undanförnu. Ástæður má að mestu rekja til þess að flugumferðarstjórum var fækkað í heimsfaraldrinum og margir hættu vegna aldurs.

Ekki hefur gengið sem skyldi að ráða til baka nýtt fólk í þessi störf eftir að flugumferð hófst aftur af krafti. Í fréttatilkynningu frá Naviair er lýst þeirri von að nú séu tíðar seinkanir á flugferðum úr sögunni.

Flugvél SAS á Kaupmannahafnarflugvelli – MYND: ÓJ

Meðal þess sem Naviair og flugumferðarstjórarnir hafa deilt um er fyrirkomulag á aukavöktum – hversu oft megi kalla mannskapinn á vaktir umfram vinnuskyldu. Þeim hefur fjölgað mjög eftir faraldurinn vegna þess að ekki hefur tekist að fastráða nógu marga á dagvaktir. Við þessar aðstæður hafa flugumferðarstjórar reynt að knýja fram launahækkanir til að fá metið aukið álag. Ákvörðun stjórnenda í Kaupmannahöfn um að fá liðsauka frá flugvellinum í Hróarskeldu olli óánægju meðal flugumferðarstjóra. Hugmyndir hafa líka verið uppi um að heimild verði veitt til að endurráða þá sem hætt höfðu vegna aldurs í heimsfaraldrinum.

Samkomulagið sem nú liggur fyrir er aðeins tímabundið en ætti að bjarga málum á háönninni framundan. Með auknum sveigjanleika í vaktafyrirkomulagi á Noviair að ganga betur að takast á við þunga sumartraffíkina um Kaupmannahafnarflugvöll en á móti vonast flugumferðarstjórar til að tíminn verði nýttur til að tryggja meiri stöðugleika til framtíðar.

Horft yfir brottfararsalinn á Kastrup – MYND: ÓJ

Nýtt efni

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …