Samfélagsmiðlar

Kína fram úr Japan

Vaxandi sala á rafbílum gerir það að verkum að Kínverjar fara fram úr Japönum á þessu ári sem mesta bílaútflutningsþjóð heimsins.

Götumynd frá Sjanghæ

Undir lok áttunda áratugar síðustu aldar var ljóst að Japanar höfðu sigrað í heimi bílanna. Venjulegir Bandaríkjamenn eða Evrópubúar höfðu sannfærst um að Toyota og Nissan væru vel ásættanleg ökutæki – jafnvel betri en Ford eða VW. Olíukreppan ruddi brautina fyrir sparneytnari smábíla frá Japan. Loftslagsmálin höfðu líka áhrif á framgang japönsku bílanna. Stórborgarbúar í Bandaríkjunum sáu vart orðið út úr augum þegar útblástur amerísku drekanna varð sem mestur. Það töluðu fáir um loftslagsbreytingar – miklu fleiri um um mengað loft og óheilnæmt. 

Kínverski rafbíllinn Nio ET5 – MYND: Nio

Frá því um 1980 var japanskur bílaiðnaður leiðandi í sölu fjölskyldubíla á viðráðanlegu verði fyrir vaxandi millistétt á Vesturlöndum og annars staðar í hinum iðnvædda heimi. Nágrannar þeirra og keppinautar, Suður-Kóreumenn, komu síðan í kjölfarið. En nú er röðin komin að Kína. Iðnvæðing og efnahagsframþróun þar hefur gert Kínverjum kleift að leiða rafbílavæðinguna. Kínverjar sáu tækifærin þar og hafa nýtt þau. Gömlu bílaveldin: Bandaríkin, Þýskaland og Japan voru seinni af stað af því að þau burðast með gamla iðnaðarinnviði og aðfangakeðjur sem margir treysta á – og gamalt hugarfar. 

Búist er við að Kínverjar flytji út 1,3 milljónir rafbíla á þessu ári sem er nærri tvöfalt fleiri en á síðasta ári þegar fluttir voru út um 679 þúsund rafbílar. En Kínverjar flytja ekki aðeins út rafbíla og er búist við að í heildina verði fluttir út 4,4 milljónir bíla á árinu. Í fyrra fluttu Kínverjar út 3,1 milljón bíla en Japanar 3,8 milljónir. 

BYD, Dolphin og Seal, fyrir Evrópumarkað – MYND: BYD

Rafbílaútflutningur svarar nú til um þriðjungs af heildarútflutningi Kínverja og tryggir þeim á árinu efsta sætið á lista helstu útflutningsþjóða bifreiða. Árið 2022 hirtu Kínverjar annað sætið af Þjóðverjum en árið 2023 fara þeir fram úr Japönum og munu að óbreyttu tróna í efsta sætinu í árslok. Helstu markaðssvæðin sem kínversku bílaframleiðendurnir sækja inn á eru Evrópa, Suðaustur-Asía, Indland, Afríka og Suður-Ameríka. Styrkur kínversku framleiðendanna felst í því að ráða yfir allri aðfangakeðjunni. Þeir þurfa ekki að leita til annarra landa um rafhlöður og aðra bílahluta. Búist er við að kínversku framleiðendurnir verði komnir með um 15 prósenta markaðshlut í Evrópu árið 2025. Eins og Túristi greindi frá, þá hefur hægt á rafbílasölunni í Kína og setja framleiðendur því sér það markmið að ná meiri fótfestu í Evrópu þar sem kaupendur eru almennt með meiri fjárráð. 

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …