Samfélagsmiðlar

Nýjasta stolt finnsks skipasmíðaiðnaðar

Verið er að ljúka smíði og frágangi á stærsta skemmtiferðaskipi heims í Turku í Finnlandi. Skipið sem nefnt er Icon of the Seas er fyrsta af þremur skipum sem Meyer Turku-skipasmíðastöðin smíðar fyrir Royal Caribbean.

Icon of the Seas mun líta svona út

Icon of the Seas, sem heldur í jómfrúarferð sína í janúar 2024, er engin smásmíði: 250.800 tonn, 365 metra langt, með rými fyrir allt að 5.610 farþega. Þetta er fyrsta skipið af þremur sem smíðuð verða hjá Meyer Turku.

Öll verða Icon-skipin í lúxusflokki skemmtiferðaskipa og í fremstu röð hvað varðar tæknibúnað. Þau verða með nýjustu framdrifstækni og vélar sem knúnar verða fljótandi náttúrugasi, sem verður í tveimur stórum geymum um borð. Með þessu móti er dregið úr losun koltvísýrings miðað við hefðbundin skip í þessum flokki. Hægt verður að raftengja skipið í höfn og það nýtir vel alla umframorku, hita og vatn. 

Meyer Turku-skipasmíðastöðin – MYND: Meyer Turku

Þegar Icon of the Seas var sjósett undir lok síðasta árs, tilbúið til frágangs og innréttinga, var því lýst hversu flókið og margslungið verk væri framundan. Óvenjulega margir afþreyingarmöguleikar yrðu um borð í þessu glæsiskipi. Farþegar geta varið tíma sínum á átta afþreyingarsvæðum, þar á meðal í vatnagarði, „Aqua Dome,“ þar sem farþegar geta dvalið á daginn í friðsælli vin og horft til hafs – en á nóttunni færist þar fjör í leikinn og í boði verður skemmtidagskrá á sviði í upplýstum vatnagarði. 

Tim Meyer (t.v.) og Michael Bayley fagna sjósetningunni í desember síðastliðinn – MYND: Meyer Turku

Tim Meyer, forstjóri Meyer Turku, sagði þegar Icon of the Seas var sjósett, að skipið væri öndvegissmíði sem reyndi mjög á tæknilega getu stöðvarinnar og færði finnskan skipasmíðaiðnað upp á nýtt stig. Michael Bayley, forstjóri og stjórnarformaður Royal Caribbean International, sagði af sama tilefni að skipið markaði tímamót í framboði fyrirtækisins á skemmtisiglingum fyrir fjölskyldufólk. Heimahöfn Icon of the Sea verður í Miami í Flórída og er fyrirhugað að það sigli um Karíbahaf. 

Næsta skip í þessum Icon-flokki fyrir Royal Caribbean verður væntanlega sjósett í Turku árið 2025 og þriðja skipið árið eftir. 

Nýtt efni

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …