Samfélagsmiðlar

Rafhleðslukerfi Tesla verður staðalbúnaður í Bandaríkjunum

Stöðugt fleiri bílaframleiðendur í Bandaríkjunum ákveða að notast við rafhleðslukerfi Tesla. Nú hefur SAE International, tækniráð bandaríska bílaiðnaðarins, ákveðið að gera kerfi Tesla að staðalbúnaði við rafhleðslu bíla í framtíðinni.

Ákvarðanir SAE International eru ráðandi um staðla og viðmið sem bílaframleiðendur vestra þurfa að laga sig að. Áhrifamiklir iðnjöfrar voru meðal stofnenda samtakanna 1905 og hafa þau æ síðan markað vegferð bílaiðnaðarins í Bandaríkjunum. Meðal áhrifamanna á fyrstu starfsárum voru Thomas Edison og Henry Ford. Nú hafa samtökin lagt línuna um það hvaða hleðslukerfi rafbílavæðing landsins eigi að styðjast við.

Tesla hefur sjálft sett markið hátt og nefndi Elon Musk fullur sjálfstrausts hleðslukerfi sitt Norður-Ameríska hleðslustaðallinnNorth American Charging Standard, eða NACS. Það kerfi hefur orðið ofan á. 

Það getur borgað sig að hugsa stórt.

MYND: My Energy/Unsplash

Innan vébanda SAE International eru starfandi nærri 200 þúsund verkfræðingar, vísindamenn og áhugamenn um tæknimál. Þetta fólk ætlar nú að leggjast á eitt um að greiða fyrir aðlögun allra bílaframleiðenda að NACS-kerfi Tesla.

Bílaframleiðendur hafa hver af öðrum lýst því yfir að undanförnu að þeir ætli að nýta sér hleðslutækni Tesla í stað CCS-kerfisins sem stjórnvöld hafa viljað að yrði ráðandi. Ford reið á vaðið í maí og lýsti því yfir að fyrirtækið myndi laga sig að NACS-búnaðinum í næsta rafbílaárgangi sínum, General Motors, Rivian og Volvo komu svo í kjölfarið.

„Með því að gera NACS-tengibúnaðinn að bandarískum staðli er verið að tryggja festu, öryggi og þægindi fyrir framleiðendur og þjónustuaðila – og það sem mikilvægast er: Bæta aðgengi rafbílaeigenda að hleðslustöðvum,“ sagði Frank Menchaca, forseti Sustainable Mobility Solutions, undirdeildar SAE sem fjallar um sjálfbæra leiðir í samgöngum. Hann segir að með því að vinna að því gera NACS frá Tesla að staðalbúnaði sé stigið stórt skref í átt að því að byggja upp landsnet hleðslustöðva fyrir alla ökumenn rafbíla. 

MYND: J Dean/Unsplash

Það mun taka einhvern tíma að gera SAE-NACS að landsstaðli fyrir rafbíla í Bandaríkjunum en stefnan hefur verið mörkuð. Tesla ræður ferðinni. Það á eftir að tryggja að raforkuafhendingin um kerfið verði öruggt fyrir alla rafbíla og verður unnið náið með rannsóknarstofum og framleiðendum i landinu til að svo verði.

„Öll þessi viðleitni er í anda markmiða SAE um að stuðla að öruggum, hreinum og vel tengdum samgöngum fyrir alla,“ segir David L. Schutt, forstjóri SAE. 

Nýtt efni

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …

Icelandair sagði 82 starfsmönnum upp fyrir síðustu mánaðamót en þær uppsagnir náðu ekki til áhafna flugfélagsins. Nú er hins vegar komið að þeim hópi því fyrir helgi fengu 57 flugmenn uppsagnarbréf og eins voru 26 flugstjórar færðir í stöðu flugmanna. Við þá breytingu lækka laun viðkomandi um fimmtung samkvæmt því sem FF7 kemst næst.  Flugmönnum …