Samfélagsmiðlar

Sandur á Keflavíkurflugvelli talinn valda skemmdum á hreyflum elstu Max-þotanna

Icelandair fékk fyrstu eintökin af Boeing Max árið 2018. Í ársbyrjun 2019 voru allar flugvélar af þessari gerð kyrrsettar í kjölfar tveggja flugslysa.

Hálkuvarnir á flugbrautum og flughlöðum eru misjafnar því vetrarfærðin er með ýmsum hætti. Á Keflavíkurflugvelli nýtist afísingarvökvi ekki í skafrenningi og er þá gripið til þess að setja sand á flugvallarsvæðið. Sá sandur verður að vera í samræmi við ákveðna staðla og hefur Icelandair í áraraðir unnið með Isavia að þessum málum.

Nú er sandnotkunin á Keflavíkurflugvelli þó til sérstakrar skoðunar því upp hafa komið skemmdir á hreyflum þriggja Boeing Max-þota í eigu Icelandair. Samkvæmt svörum frá flugfélaginu þá er talið líklegt að rekja megi skemmdirnar á hreyflunum til sands.

Í öllum tilvikum er um að ræða flugvélar sem staðið höfðu lengi á jörðu niðri, fyrst vegna kyrrsetningar sem varði í 20 mánuði og svo heimsfaraldurs.

Allir hreyflar í eigu Icelandair fara reglulega í skoðun og hafa engar skemmdir fundist á öðrum en þeim sem eru á þotunum þremur. Voru þeir hreyflar teknir af og sendir erlendis í viðgerð að því segir í svari Icelandair við fyrirspurn Túrista. 

Um páskana var gefið út að Icelandair hefði ákveðið að kaupa Airbus þotur í fyrsta sinn en félagið hefur í áratugi haldið tryggð við Boeing.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …