Samfélagsmiðlar

Sektað vegna tafa á endurgreiðslum

Bandarísk samgönguyfirvöld taka hart á því ef flugfélög tregðast við að endurgreiða farmiða sem viðskiptavinir geta ekki notað. Nú síðast var British Airways sektað fyrir að hafa ekki staðið tímanlega skil á endurgreiðslum.

Samgönguráðuneyti Bandaríkjanna hefur tilkynnt að flugfélagið British Airways hafi verið sektað um 1,1 milljón dollara fyrir að standa ekki tímanlega skil á endurgreiðslum til viðskiptavina vegna ferða til og frá landinu á meðan Covid-19 geisaði. Helmings afsláttur er gefinn frá sektinni vegna þess hversu vel flugfélagið brást við 2020 og 21 þegar það endurgreiddi viðskiptavinum 40 milljónir dollara fyrir farmiða sem töldust óendurgreiðanlegir. 

Frá því í mars 2020 bárust bandarískum samgönguyfirvöldum meira en 1.200 kvartanir um að British Airways hefði ekki endurgreitt viðskiptavinum strax það sem þeir áttu rétt á en flugfélagið hafnaði öllum slíkum ásökunum, segir í frétt frá Reuters. 

Ákvörðun bandaríska samgönguráðuneytisins um sektargreiðslu er hugsuð sem viðvörun til allra flugfélaga um að standa tímanlega skil á öllum endurgreiðslum til farþega sem ekki geta nýtt sér flugferð með réttmætum hætti. British Airways hélt því staðfastlega fram að hafa ævinlega fylgt settum reglum og boðið viðskiptavnum að endurbóka ferðir eða að fá endurgreitt ef ferðir féllu niður. Samgönguráðuneytið sagði á hinn bóginn að viðskiptavinir hefðu ekki náð sambandi við flugfélagið mánuðum saman vegna þess að það hefði ekki séð til þess að veita viðunandi svarþjónustu. British Airways benti á að aðstæður hefðu verið fordæmalausar vegna faraldursins og aflýsa hefði þurft þúsundum flugferða og loka þjónustuverum vegna takmarkana sem stjórnvöld sjálf settu. Af þessum sökum hefði fólk lent í því að bíða aðeins lengur en venjulega eftir því að ná sambandi við þjónustufulltrúa. 

Pete Buttigieg, samgönguráðherra Bandaríkjanna – MYND: USDOT

Bandaríska samgönguráðuneytið hefur að undanförnu sótt að flugfélögum og sektað þau vegna seinkana á endurgreiðslum til viðskiptavina. Í síðasta mánuði var brasilíska LATAM-flugfélagið sektað um eina milljón dollara vegna þessa en frá því í mars 2020 höfðu ráðuneytinu borist 750 kvartanir vegna þess að farmiðar fengust ekki endurgreiddir. 

Ráðuneytið tilkynnti þegar í ársbyrjun að harðar yrði tekið á því ef flugfélög brytu gegn neytendarétti. Framvegis mætti búast við að sektarfjárhæðir yrðu nægilega háar til að ekki væri aðeins litið á þær sem eðlilegan kostnað af því að stunda viðskipti. Samgönguráðherra alríkisstjórnarinnar Pete Buttigieg hefur ítrekað þessa afstöðu sína á síðustu misserum og hafa spjótin ekki síst beinst að innlendum félögum sem ekki hafa veitt farþegum sínum viðunandi þjónustu þegar flugsamgöngur hafa fallið niður vegna veðurs eða bilana. 

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …