Samfélagsmiðlar

Stefnt á að selja hlutinn í Keahótelunum

Stór hlutur í þriðju stærstu hótelkeðju landsins mun skipta um eigendur ef að líkum lætur á þessu ári.

Hótel KEA og Hótel Borg eru meðal þeirra hótela sem heyra undir Keahótelin.

Þáverandi eignarhaldsfélag Keahótelanna, K Acquisitions ehf., varð gjaldþrota í byrjun árs 2021 en fyrrum eigendur héldu eftir 65 prósent hlut í hótelkeðjunni á móti Landsbankanum. Lýstar kröfur í gamla móðurfélagið námu 3,8 milljörðum króna en engar eignir fundust í búinu.

Landsbankinn á ennþá 35 prósent hlut í þessu þriðja stærsta hótelfyrirtæki landsins en gert er ráð fyrir að eignarhlutinn verði auglýstur til sölu síðar á þessu ári samkvæmt svari bankans við fyrirspurn Túrista. Í svarinu segir að salan verði í samræmi við stefnu bankans um sölu eigna en þar er meginreglan sú að halda söluferlinu opnu.

Meðeigendur Landsbankans eru sem fyrr þeir fjárfestar sem stóðu að K Acquisitions ehf. en 65 prósent hlutur þeirra er allur skráður eignarhaldsfélagið Prime Hotels ehf. Bandaríska verðbréfafyrirtækið Pt Capital á þar helmings hlut. Þetta er sama félag og eignaðist símafyrirtækið Nova árið 2016 en hvarf svo endanlega úr hluthafahópnum nú í vor þegar framkvæmdastjóri Pt Capital var felldur í stjórnarkjöri.

Pt Capital hafði heldur ekki erindi sem erfiði í tilraun sinni til að eignast stóran hlut í ferðaþjónustufyrirtækinu Arctic Adventures fyrr á þessu ári.

Þess má geta að Pt Capital og meðfjárfestar þeirra frá Alaska keyptu Keahótelin árið 2017 á um fimm milljarða króna en þá áttu Landsbréf, dótturfélag Landsbankans, meirihluta í hótelkeðjunni.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …