Samfélagsmiðlar

Svona skiptust farþegarnir á milli Icelandair og Play í flugi til og frá Bandaríkjunum

Um 214 þúsund farþegar flugu milli Íslands og Bandaríkjanna fyrstu þrjá mánuði ársins.

Það voru rétt um 12 þúsund farþegar sem nýttu sér ferðir Play til og frá Stewart flugvelli fyrir norðan New York. Umsvif Icelandair í stórborginni voru mun meiri.

Þrátt fyrir að ferðaþjónusta og flugrekstur séu mjög stór hluti af umsvifunum í íslenska hagkerfinu þá er upplýsingagjöfin hér á landi um ferðir fólks til landsins takmarkaðri en þekkist víðast hvar annars staðar. Túristi gerði árangurslausa tilraun á sínum tíma til að kæra þessa leynd en úrskurðarnefnd upplýsingamála tók þá undir rök Isavia um að gögnin væru viðkæmt viðskiptaleyndarmál flugfélaganna.

Stjórnendur Icelandair og Wow Air lögðust líka gegn því að gögnin yrðu birt.

Í Bandaríkjunum má hins vegar sjá hvernig íslensku flugfélögin standa sig en líkt og Túristi fór yfir í fyrradag þá voru tómu sætin flest í ferðum Icelandair til og frá Boston en sú borg var eini áfangastaðurinn vestanhafs þar sem félagið var í beinni samkeppni við Play.

Í New York sat Icelandair eitt að ferðunum til og frá stóru flugvöllunum, Newark og JFK, fyrstu þrjá mánuði ársins nema rétt í lok mars þegar Delta hóf að fljúga hingað frá þeim síðarnefnda.

Og það var í New York sem Icelandair fékk flesta um borð því samtals flutti félagið 48 þúsund farþega til og frá stórborginni á fyrsta ársfjórðungi. Í fluginu frá JFK flugvelli voru að jafnaði 87 prósent sætanna skipuð farþegum samkvæmt tölum bandarískra flugmálayfirvalda.

Í ferðum Play til og frá Stewart, litlum flugvelli fyrir norðan New York, var sætanýtingin rétt um 72 prósent félagið gerði hlé á þessu flugi í ársbyrjun og samtals voru farþegarnir á þessari flugleið aðeins um 12 þúsund talsins. Gera má ráð fyrir að stjórnendur Play horfi til þess að fá lendingarleyfi á JFK flugvelli eða Newark sem fyrst í von um að geta veitt Icelandair meiri samkeppni í fjölmennustu borg Bandaríkjanna.

Fyrir utan New York þá voru farþegarnir í Íslandsfluginu flestir í Boston og þar á eftir kom Seattle eins og sjá má á grafinu.

Í heildina flugu rúmlega 214 þúsund farþegar milli Íslands og Bandaríkjanna á fyrsta fjórðungi ársins og þar af 156 þúsund með Icelandair, 57 þúsund sátu um borð hjá Play og tæplega 2 þúsund hjá Delta.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …