Samfélagsmiðlar

Telja Icelandair miklu meira virði

Markaðsvirði íslenska flugfélagsins ætti að vera á pari við samanlagt virði Finnair og Norwegian samkvæmt nýju verðmati.

Þota Icelandair í jómfrúarferð félagsins til Prag nú í sumarbyrjun.

Hlutabréf í Icelandair hafa hækkað um fimm af hundraði í dag og kosta núna 2 krónur á hlut. Greiningafyrirtækið IFS telur bréfin þó vera mun meira virði samkvæmt nýju mati og fjárfestar hvattir til að kaupa bréf í flugfélaginu.

Verðmatið hljóðar upp á 3,35 krónur hlut sem er þá ríflega 68 prósent hærra verð en fæst fyrir bréfin í dag. Markaðsvirði félagsins færi upp í 276 milljarða króna ef gengið myndi hækka þetta mikið og þar með yrði Icelandair jafn verðmætt og Norwegian og Finnair eru í dag samanlagt.

Til samanburðar fluttu þessi tvö félög 2,9 milljónir farþega í síðasta mánuði en Icelandair 366 þúsund farþega. Stjórnendur Finnair hækkuðu afkomuspá sína fyrir árið í gær og Norwegian gerir ráð fyrir góðum gangi í ár.

Greining IFS nær til næstu 10 ára og þar er reiknað með að hagnaður Icelandair í ár verði 41 milljón dollara eftir skatt en sú upphæð jafngildir 5,6 milljörðum króna.

Nýtt efni

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …

Icelandair sagði 82 starfsmönnum upp fyrir síðustu mánaðamót en þær uppsagnir náðu ekki til áhafna flugfélagsins. Nú er hins vegar komið að þeim hópi því fyrir helgi fengu 57 flugmenn uppsagnarbréf og eins voru 26 flugstjórar færðir í stöðu flugmanna. Við þá breytingu lækka laun viðkomandi um fimmtung samkvæmt því sem FF7 kemst næst.  Flugmönnum …