Samfélagsmiðlar

Þörf fyrir stýritæki sem dempar sveiflur og vöxt í ferðaþjónustu

Fyrrum seðlabankastjóri segir Ísland ekki ráða við þann mikla hagvöxt sem hér hefur verið.

Ferðafólk á Austurvelli.

„Það ástand sem við erum að horfa upp á nú, og er ein ástæðan fyrir því að það er svona mikil umframeftirspurn í hagkerfinu, er snörp viðreisn ferðaþjónustunnar. Þá þarf að beina sjónum að því að vera með einhverskonar stýritæki sem dempar sveiflur og vöxt í ferðaþjónustu þegar hann verður of mikill,“ segir Már Guðmundsson, fyrrum seðlabankastjóri, í viðtali við afmælisrit Vísbendingar sem kom út í gær.

Spurður um hvers konar stýritæki megi innleiða þá bendir Már á að það þurfi ekki að vera með örvandi hvata fyrir grein sem sé orðin jafn öflug og raunin er með ferðaþjónustuna.

„Aukinn straumur ferðamanna veldur hliðaráhrifum á aðra og sum þeirra eru neikvæð. Hún býr til kostnað fyrir þá sem fyrir eru og í prinsippinu ættu ferðamennirnir og greinin að greiða þann kostnað, til dæmis með komugjöldum, gistináttagjöldum eða með gjaldtöku á ferðamannastöðum. Það er þó ekki mitt að koma með patentlausnir á því,“ útskýrir Már.

Líkt og Túristi fór yfir í vikunni þá stefnir að ferðamenn hér á landi í sumar verði fleiri en nokkru sinni fyrr. Engu að síður hafa erlend flugfélög dregið úr Íslandsflugi frá því í fyrra. Hinn mikli vöxtur skrifast á aukin umsvif Icelandair og Play.

Farþegar á leið í þotu Play í Aþenu. MYND: AIA

Félögin tvö leggja í dag minni áherslu á tengifarþega, þá sem aðeins millilenda á leiðinni yfir N-Atlantshafið, en raunin var þegar Icelandair og Wow Air voru með yfirburðastöðu á Keflavíkurflugvelli. Núna er fókusinn hjá íslensku flugfélögunum á að fá ferðamenn um borð og forstjóri Play á von á því að hlutfall þess farþegahóps hækki nú í sumar.

Túristi hefur spurt Icelandair um þróunina þar á bæ en ekki fengið svör.

Á þeim farþegatölum sem félagið hefur sent frá sér í vor sést að hlutfall ferðamanna í þotum Icelandair verður um 40 prósent á yfirstandandi ársfjórðungi. Á árunum sem félagið var rekið með hagnaði var hlutfallið um þriðjungur á þessum árstíma. Það munar um þetta aukna vægi túrista í þotunum enda stendur Icelandair undir hátt í sex af hverjum tíu áætlunarferðum frá Keflavíkurflugvelli.

Rútur bíða eftir farþegum skemmtiferðaskips. MYND: ÓJ

Til viðbótar við fjölgun ferða á vegum Icelandair og Play þá verða skemmtiferðaskipin í höfnum landsins fleiri í sumar en nokkurn tíma áður.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …