Samfélagsmiðlar

Þotueldsneytið helmingi ódýrara en síðastliðið sumar

Icelandair og Play greiddu um 60 milljarða fyrir eldsneyti á þotur sínar í fyrra. Í dag er verðið á eldsneytinu lægra en það hefur verið síðan í árslok 2021.

Kaup á eldsneyti vegur þungt í rekstri flugfélaga og sérstaklega átti það við í fyrra.

„Við gerðum ráð fyrir háu olíuverði, 660 dollurum á tonnið, sem var fáranlega há tala miðað við árin á undan. Svo enduðum við á að borga 1400 til 1500 dollara allt fyrsta árið,“ sagði Birgir Jónsson, forstjóri Play, í viðtali við Túrista í ársbyrjun þar sem hann fór yfir ástæður þess að stærstu hluthafar Play lögðu aukalega 2,3 milljarða í reksturinn undir lok síðasta árs.

Elsneytisreikningurinn hjá Play endaði í 8,4 milljörðum í fyrra og Icelandair borgaði 51 milljarð króna fyrir eldsneyti á þoturnar sínar sem er 11 milljörðum meira en árið 2019.

Segja má að farþegar félaganna hafi lagt sitt af mörgum því þegar Rússar réðust inn á Úkraínu í febrúar í fyrra rauk verð á olíu upp. Í kjölfarið tók Play upp eldsneytisálag og Icelandair tvöfaldaði sitt.

Í dag hefur verð á þotueldsneyti lækkað umtalsvert því á þessum tíma í fyrra var verðið í kringum 1400 dollara á tonnið en í gær fór markaðsverðið niður í 698 dollara. Það er því ekki langt í kostnaðarverðið sem áætlun Play byggði á þegar félagið hóf flugrekstur.

Þessi lækkun skilar sér þó ekki öll til flugfélaganna því stjórnendur þeirra hafa fest verðið á hluta af því eldsneyti sem keypt verður í ár. Þeir samningar hljóða upp á hærra verð en fæst á markaðnum í dag eins og sjá má hér fyrir neðan.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …