Samfélagsmiðlar

Vaxandi hluti fer í matvörukaup

Kortavelta í verslunum landsins jókst um nærri tíund fyrstu fimm mánuði ársins. Viðbótin skýrist að mestu leyti af meiri umsvifum í matvöruverslunum.

47 af hverjum 100 krónum sem íslenskir korthafar eyddu í verslunum landsins í maí fóru til stórmarkaða. Þetta er mun hærra hlutfall en í sama mánuði árin á undan.

Aukinn hluti af innlendri greiðslukortanotkun, í verslunum landsins, á sér nú stað í stórmörkuðum og dagvörubúðum. Fyrstu fimm mánuði ársins voru íslensk greiðslukort nýtt til að greiða fyrir vörur upp á 220 milljarða króna í íslenskum verslunum og fengu stórmarkaðir og dagvöruverslanir 106 milljarða af þessari upphæð.

Það jafngildir 48 prósent af heildinni sem er hærra hlutfall en á sama tímabili árin á undan þegar það hefur verið á bilinu 43 til 45 prósent, samkvæmt því sem hægt er að reikna út frá gögnum Rannsóknarseturs verslunarinnar.

Síðustu tvo mánuði hefur hlutdeild matvörubúða í kortaveltunni aukist töluvert frá fyrsta fjórðungi ársins eins og sjá má hér fyrir neðan.

Í apríl síðastliðnum fengu stórmarkaði og dagvöruverslanir akkúrat aðra hverja krónu sem tekin var út af íslenskum greiðslukortum við búðakassa landsins. Í maí fór hlutfalið niður í 47 prósent sem er þó mun meira en á sama tíma árin á undan. Í fyrra var hlutfallið 41 prósent.

Á sama tíma og vægi matvörubúða í heildarneyslunni eykst þá hækkar veltan umtalsvert. Fyrstu fimm mánuðina í fyrra og í hitteðfyrra nam kortaveltan 203 milljörðum en núna hefur hún hækkað um nærri tíund, eða upp í 220 milljarða. Nærri alla aukninguna má rekja til matarinnkaupa eins og sjá má hér fyrir neðan.

Festi og Hagar eru stærstu fyrirtækin á dagvörumarkaðnum og þar hefur framlegðarhlutfallið lækkað. Hversu mikið kemur ekki skýrt fram í ársskýrslu Haga sem rekur Hagkaup og Bónus eins og Túristi hefur áður fjallað um.

Hjá Festi lækkaði hlutfallið í Krónunni á fyrsta ársfjórðungi miðað við það sem var á sama tíma í fyrra úr 23,2 prósentum í 22,6 prósent.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …