Samfélagsmiðlar

Veltan í ferðaþjónustunni jókst um 32 milljarða króna

Ferðamenn í Reynisfjöru nú í vor.

Velta jókst í flestum atvinnugreinum hér á landi í mars og apríl sl. í samanburði við sömu mánuði í fyrra samkvæmt virðisaukaskattskýrslum. Í sumum atvinnugreinum var aukningin minni en hækkun verðlags en vísitala neysluverðs hækkaði um tíund á þessu tímabili. Í ferðaþjónustunni jókst velta miklu meira eða 36 prósent samkvæmt nýjum tölum Hagstofunnar.

Í heildina nam velta í einkennandi greinum ferðaþjónustunnar um 121 milljarði króna í mars og apríl sem er viðbót um 32 milljarða frá því í fyrra.

Til samanburðar nam veltan 98 milljörðum í mars og apríl árið 2018 þegar ferðamenn voru flestir hér á landi en vísitala neysluverðs hefur hækkað um 30 prósent á þessum fimm árum sem liðin eru. Ef veltan í ferðaþjónustunni hefði haldið í við verðlagsþróun á þessu fimm ára tímabili hefði hún numið 127 milljörðum núna. Niðurstaðan var þó aðeins minni sem fyrr segir.

Á þessu gæti þó orðið breyting þegar núverandi sumarvertíð verður gerð upp enda stefnir í metfjölda ferðamanna hér á landi í sumar eins og Túristi hefur áður fjallað um.

Hagstofan flokkar nokkrar greinar undir ferðaþjónustu og af þeim var veltan mest í farþegaflugi en þar er innanlandsflug þó ekki meðtalið því ekki er innheimtur virðisaukaskattur af því.

Nýtt efni

Ekki verður sagt að fulltrúar í nefnd öldungardeildar Bandaríkjaþings hafi farið mjúkum höndum um Dave Calhoun, forstjóra Boeing, þegar hann kom fyrir nefndina í gær til að svara fyrir alvarlega öryggisbresti í flugvélum sem fyrirtækið smíðaði. Forstjórinn bað aðstandendur allra sem fórust með tveimur 737 MAX-vélum félagsins afsökunar um leið og hann sagðist axla ábyrgð …

Þegar stjórnendur Easyjet ákváðu að hefja flug til Keflavíkurflugvallar árið 2012 gerðu þeir aðeins ráð fyrir áætlunarflugi hingað yfir sumarmánuðina frá London. Viðtökurnar voru hins vegar það góðar að þeir bættu strax við vetrarflugi. Segja má að sú viðbót hafi valdið straumhvörfum í íslenskri ferðaþjónustu því í kjölfarið komu hingað miklu fleiri breskir ferðamenn yfir …

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …