Samfélagsmiðlar

Verðhækkanir ekki haft teljandi áhrif á áfengissölu Fríhafnarinnar

Hækkun álagn­ingar á áfengi sem selt er í tollfrjálsum verslunum gekk í gildi um áramótin. Stjórnendur Icelandair voru meðal þeirra sem lýsti andstöðu við þau áform.

1 lítri af Absolut vodka er ódýrari í Fríhöfninni í dag en fyrir ári síðan. Masi rauðvínsflaskan hefur hækkað um 14 prósent í Fríhöfninni en 7 prósent hjá ÁTVR.

Það að nýta tollinn sinn við komuna til landsins borgar sig ekki með sama hætti í dag og raunin var hér áður fyrr. Verðmunurinn á léttvínsflöskunum í Fríhöfninni og Vínbúðum ÁTVR hefur dregist saman og nemur oftar en ekki fimmtungi í dag.

Það er þó mismundandi eftir tegundum og eins hefur verðlagið hjá ÁTVR einnig hækkað eins og sjá má hér fyrir neðan.

Vinsælar bjórtegundir eru ennþá um fjórðungi ódýrari í komuversluninni í Leifstöð en í Vínbúðunum en bilið gat numið allt að þriðjungi á árum áður samkvæmt verðkönnunum Túrista. Sem fyrr spara þeir langmest sem kaupa sterkt áfengi. Þar getur verðmunurinn verið ríflega tvöfaldur.

Hækkað áfengisverð í Fríhöfninni má meðal annars rekja til þess að það áfengisgjald, sem tollfrjálsar verslanir greiða, hækkaði um 150 prósent um síðustu áramót. Þeim breytingum mótmælti Isavia, sem rekur Fríhöfnina, síðastliðið haust og það gerðu líka stjórnendur Icelandair.

Í umsögn flugfélagsins var gengið út frá því að tekjur af fríhafnarversluninni yrðu minni vegna þessa og það myndi „fyr­ir­sjá­an­lega leiða til þess að hækka þurfi flug­tengdar tekjur Isavia.“ Var þá vísað til þess að Isavia þyrfti að hækka önnur gjöld á flugvellinum til að vega upp á móti minnkandi tekjum af áfengissölu.

Nú þegar sex mánaða reynsla er komin á verðhækkanirnar þá hefur þróunin ekki verið í takt við spár stjórnenda Icelandair.

„Enn sem komið er hefur breytingin ekki haft teljandi áhrif á sölu,“ segir að Þorgerður Þráinsdóttir, framkvæmdastjóri Fríhafnarinnar, í svari við fyrirspurn Túrista um áhrif þess á söluna að áfengisgjaldið hækkaði.

Sem fyrr segir hefur Túristi í gegnum árin borið saman verð á áfengi í Fríhöfninni og Vínbúðunum og sú ítarlegast var gerð í nóvember 2017.

Fyrir nákvæmlega einu ári síðan var verð á nokkrum tegundum af sterku, léttvíni og bjór skoðað og hér fyrir neðan má sjá hvernig verðið á þeim flöskum hefur þróast síðustu 12 mánuði í Fríhöfninni og Vínbuðunum.

Nýtt efni

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …

Icelandair sagði 82 starfsmönnum upp fyrir síðustu mánaðamót en þær uppsagnir náðu ekki til áhafna flugfélagsins. Nú er hins vegar komið að þeim hópi því fyrir helgi fengu 57 flugmenn uppsagnarbréf og eins voru 26 flugstjórar færðir í stöðu flugmanna. Við þá breytingu lækka laun viðkomandi um fimmtung samkvæmt því sem FF7 kemst næst.  Flugmönnum …