Samfélagsmiðlar

15 þúsund krónur fyrir flugið milli Akureyrar og Keflavíkurflugvallar

Í byrjun vetrar munu flugvélar Icelandair fljúga milli Akureyrar og Keflavíkurflugvallar. Farþegar félagsins þurfa þá ekki um Reykjavíkurflugvöll.

Frá miðjum október og fram í lok nóvember ætlar Icelandair að spreyta sig á ný á flugi milli Akureyrar og Keflavíkurflugvallar en þessar ferðir voru á dagskrá með hléum árin 2017 og 2018. Reyndar höfðu stjórnendur Icelandair uppi áform um að taka upp þráðinn nú í sumar en frestuðu því til vorsins 2024 eins og Túristi greindi frá á sínum tíma.

Núna liggur ekki fyrir hvort af því verði en flugferðirnar verða þó á dagskrá í sex vikur nú í byrjun vetrar sem fyrr segir. Eingöngu farþegar á leið í eða úr millilandaflugi geta nýtt sér þjónustuna og til að halda dvölinni í Leifsstöð í lágmarki þá er lagt í hann frá Akureyri rétt fyrir klukkan 6 að morgni. Farþegarnir ná því í morgunflugi Icelandair til Evrópu.

Á heimleiðinni er flogið frá Keflavíkurflugvelli klukkan 17 og því þarf að koma sér til Íslands frá Evrópu í fyrstu ferð dagsins. Akureyringur sem nýtir sér þetta tengiflug úr heimabyggð borgar skiljanlega meira en Reykvíkingur sem flýgur beint frá Keflavíkurflugvelli.

Helgarflug frá Akureyri til Kaupmannahafnar, með millilendingu á Keflavíkurflugvelli, kostar 71 þúsund krónur dagana 19. til 22. október. Sá sem flýgur beint frá Keflavíkurflugvelli til Danmerkur borgar 39 þúsund kr.

Ef ferðinni er heitið til Parísar frá Akureyri, dagana 6. til 10 nóvember, kostar það 69 þúsund krónur en 39 þúsund ef flogið er Keflavíkurflugvelli. Icelandair rukkar samkvæmt þessum tveimur dæmum um 15 þúsund krónur fyrir innanlandsflugið, hvora leið.

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …