Samfélagsmiðlar

Alla daga vikunnar til Rómar

Icelandair sér tækifæri í meiri umsvifum í höfuðborg Ítalíu.

Friðsæl morgunstund á Piazza del Popolo.

Flugsamgöngur milli Íslands og Ítalíu eru mun tíðari í dag en þær voru á árunum fyrir heimsfaraldur og meðal nýjunga síðustu ára eru áætlunarferðir Icelandair til Rómar. Félagið spreytti sig fyrsta á þessari flugleið í fyrrasumar og þá með tveimur brottförum í viku.

Núna fljúga þotur félagsins til Rómar fimm daga vikunnar en næsta sumar eru á dagskrá daglegar brottfarir samkvæmt bókunarvél félagsins.

Aðspurður segir Guðni Sigurðsson, talsmaður Icelandair, að eftirspurnin eftir Rómarfluginu hafi verið sérstaklega mikil hjá tengifarþegum, þeim sem eru á leið milli Norður-Ameríku og Ítalíu.

„Með aukinni tíðni gerum við ráð fyrir að eftirspurnin aukist einnig til og frá Róm,“ bætir Guðni við.

Eins og Túristi hefur áður fjallað um þá koma nú til Íslands miklu fleiri ítalskir ferðamenn en áður. Á fyrri helmingi þessa árs voru þeir 31 þúsund en rétt 19 þúsund á sama tíma árið 2019. Ekki eru til tölur um ferðir Íslendinga til Ítalíu en ljóst má vera að ferðir landans þangað hafa aukist verulega síðustu tvö ár í takt við hinar bættu flugsamgöngur.

Nýtt efni

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …