Samfélagsmiðlar

Bandarískir ferðamenn eyða miklu minna en áður

Rannsóknarsetur verslunarinnar horfði einungis til vaxandi kortaveltu bandarískra ferðamanna í júní síðastliðinn en ekki hversu miklu fleiri þeir voru hér á landi þá en í sama mánuði fyrra. Hlutfallsleg eyðsla bandarískra ferðamanna hefur dregist saman um þriðjung miðað við þær tölur sem liggja fyrir.

Notkun erlendra greiðslukorta hér á landi nam 36 milljörðum króna.

Notkun erlendra greiðslukorta hér á landi nam 36 milljörðum króna í júní og þar af var hlutur bandarískra korta 14 milljarðar. Aldrei áður hafa Bandaríkjamenn eytt eins miklu hér á landi, líkt og bent er á í tilkynningu frá Rannsóknarsetri verslunarinnar (RSV) undir fyrirsögninni „Bandarískir ferðamenn slá met“ en tilkynningin var jafnframt birt sem skoðanagrein á Vísi.

Aðrir fjölmiðlar hafa fjallað um málið í þeim tóni sem sleginn var með fréttatilkynningu RSV. Í hádegisfréttum RÚV var haft eftir framkvæmdastjóra Samtaka ferðaþjónustunnar að skýringin á þessari miklu eyðslu Bandaríkjamanna væri meðal annars sú að þeir fari nú víðar um landið og gisti í fleiri nætur en áður.

Júnímánuður var svalur fyrir sunnan. Bandarískir ferðamenn í bókabúð í Reykjavík – MYND: ÓJ

Túristi bendir hins vegar á að tölur Ferðamálastofu sýna að bandarískir ferðamenn hér á landi í nýliðnum júní voru 101 þúsund talsins eða nærri tvöfalt fleiri en í júní í fyrra! Kortavelta jókst þó aðeins rúman fjórðung og því nam eyðslan á hvern Bandaríkjamann um 140 þúsund krónum í síðasta mánuði en hún var 207 þúsund kr. í júní í fyrra. Lækkunin nemur þriðjungi – eða 38 prósentum, ef tekið er tillit til verðlagsþróunar á milli ára.

Þessi meinti metmánuður, júní 2023, kemur heldur ekki vel út í samanburði við júní árin 2016 til 2019, eins og sjá má hér fyrir neðan en þar eru tölurnar umreiknaðar miðað við verðlagsþróun. Eyðsla á hvern Bandaríkjamann er mun lægri en þá var.

Ferðamaður sem keypti sér kaffibolla – MYND: ÓJ

Meðaleyðslan er meira að segja töluvert undir því sem hún var í júní 2018 en þegar sumarvertíðin það ár var gerð upp þótti slakt hversu lítil kortavelta Bandaríkjamanna var í samanburði við árin á undan. Sú þróun var skrifuð á mikið framboð á ódýru Íslandsflugi frá Bandaríkjunum, enda voru Icelandair og Wow Air þá í harðri samkeppni vestanhafs.

Spurður um framsetningu fyrrnefndar fréttatilkynningar og pistils, þá segir Magnús Sigurbjörnsson, forstöðumaður RSV, að eingöngu hafi verið horft til kortaveltutölu en ekki til fjölda ferðamanna.

Kortavelta Bandaríkjamanna í þeirra eigin mynt, bandaríkjadollar, var líka miklu lægri núna en verið hefur í júní eins og sjá má á grafinu. Núna eyddi hver og einn Bandaríkjamaður rétt um eitt þúsund dollurum sem er nærri helmingi minna en í júní árið 2017.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …