Samfélagsmiðlar

Biðjast afsökunar á blárri móðu sem legið hefur yfir Akureyri

Skemmtiferðaskipið MS Zuiderdam.

Íbúar á Akureyri hafa deilt myndum á samfélagsmiðlum í dag af blárri móðu frá skemmtiferðaskipinu MS Zuiderdam sem liggur þar við festar. Spurð um málið þá sagði Ásthildur Sturludóttir, bæjarstjóri á Akureyri, að ástandið væri alls ekki nógu gott og bætti því við að eitthvað hlyti að vera að í skipinu.

Og það var raunin því samkvæmt svari útgerðar MS Zuiderdam, við fyrirspurn Túrista, þá kom upp bilun í hitunarkerfi skipsins sem olli því að óvenjumikil vatnsgufa myndaðist en hún hafi verið skaðlaus. „Við biðjumst afsökunar á þeim óþægindum sem þetta kann að hafa valdið,“ segir jafnframt í svari Holland America skipafélagsins.

Þegar spurt er út óþefinn sem fylgdi gufunni þá bætir upplýsingafulltrúi skipafélagsins því við að svörin hér að ofan byggi á skýrslu skipstjóra og vélstóra MS Zuiderdam um tilvikið.

Líka á Ísafirði

Ástandið á Akureyri í dag er þó ekki einsdæmi því fjallað hefur verið um mengun frá skemmtiferðaskipum í fjölmiðlum síðustu vikur. Túristi heimsótti til að mynda Ísafjörð í þarsíðustu viku og fór yfir stöðuna þar í bæ en þá var einmitt MS Zuiderdam í höfn fyrir vestan. 

Hilmar Kristjánsson Lyngmo, hafnarstjóri á Ísafirði, var spurður út í móðuna sem þá hékk yfir bænum og játti hann því að honum þætti ástandið ekki viðunandi.

Hafa ekki áhyggjur af ímyndinni

Forsvarsfólk Samtaka ferðaþjónustunnar hefur þó ekki áhyggjur af því að ímynd Íslands sem áfangastaðar bíði skaði af reyknum, móðunni eða gufunni sem stígur frá skemmtiferðakipum í höfnum landsins. Í svari til Túrista bendir Skapti Örn Ólafsson, upplýsingafulltrúi SAF, á að 80 skemmtiferðaskip hafi komið til Akureyrar í sumar og þrisvar sinnum hafi komið upp óvenjuleg tilvik eins og í dag. 

„Í langflestum af þeim skipum sem sækja íslenskar hafnir heim er fullkominn mengunarvarnarbúnaður sem á að grípa brennistein og agnir sem myndast. Það sem við sjáum er því oft mest megnis gufa en brennisteinn er hreinsaður úr útblæstrinum um sirka 98%. 

Það er aldrei gott ef heimamenn eru ósáttir, en við höfum ekki áhyggjur af því að ímynd landsins sem umhverfisvænn áfangastaður skaðist enda notast fólk almennt við samgöngutæki til að komast til Íslands og ferðast um landið,“ segir Skapti Örn Ólafsson, talsmaður SAF, í svari til Túrista.

TENGT: Óhóflegar álögur á skemmtiferðaskip yrðu ekkert nema landsbyggðaskattur

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …