Samfélagsmiðlar

Eyða meiru í minjagripi og mat en minna í föt

Ferðamenn skoða minjagripi við Geysi.

Það er dýrara að kaupa í matinn í dag en það var fyrir ári síðan. Ekki bara hér á landi því verðbólga hefur verið á uppleið víða um heim og þar hefur hærra matvöruverð haft mikið að segja.

Það þarf því ekki að koma á óvart að notkun erlendra greiðslukorta hefur aukist verulega í stórmörkuðum og dagvöruverslunum frá því í fyrra. Í júní í fyrra nam erlenda kortaveltan í matvörubúðunum 1,5 milljarði króna en í nýliðnum júní hækkaði hún um nærri 600 milljónir króna eða um 37 prósent. Til samanburðar komu hingað 32 prósent fleiri ferðamenn en í júní í fyrra.

Þróunin var önnur í fataverslunum því þar lækkaði erlenda kortaveltan um 14 prósent þrátt fyrir nærri þriðjungi fleiri ferðamenn. Í heildina voru greiddar um 817 milljónir fyrir föt með erlendum greiðslukortum í júní.

Vera má að stærri hluti af fataversluninni hafi færst yfir í minjagripaverslanir því þar jókst notkun erlendra greiðslukorta um nærri helming á milli ára. Í nýliðnum júní nam veltan 821 milljón og var því meiri en í fataverslununum.

Það ber þó að setja þann fyrirvara við þessar tölur, sem koma úr gagnagrunni Rannsóknarseturs verslunarinnar, að fjöldi íslenskra fyrirtækja hefur síðustu ár fært kortaviðskipti sín til erlendra færsluhirða. Tölur rannsóknarsetursins koma hins vegar eingöngu frá innlendum færsluhirðum sem veldur skekkju í töllunum.

Það sést til að mynda á því sífellt lægri veltu í flokknum „Ýmis ferðaþjónustu“ sem Túristi hefur margsinnis fjallað um og kallaði þáverandi ferðamálastjóri meðal annars eftir mati á skekkjunni.

Nýtt efni

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …