Samfélagsmiðlar

Fengu verðlaun fyrir landkynningu

Markaðsfólk Icelandair tók á móti verðlaununum á mánudagskvöld í London.

Icelandair hlaut á mánudagskvöldið verðlaun fyrir herferð sína Iceland: Around The Corner en sú herferð stóð yfir í fjóra daga í London sl. haust.

„Segja má að ís, land og loft hafi verið flutt til London til að gefa almenningi þar kost á að kynnast mörgum af megineinkennum Íslands og íslensku þjóðarinnar; einstöku landslagi og menningu, mat og drykk, lifandi tónlist og hraunrennsli. Gestir voru leiddir um tilbúin ísgöng og gátu slappað af, fullklæddir, í Bláa lóninu. Íslenskt tónlistar- og listafólk kom fram og boðið var upp á séríslenskan mat og drykk. Til að fullkomna fjölbreytnina mátti sjá og upplifa raunverulegt íslenskt hraunflóð í miðborg London á meðan á viðburðinum stóð,“ segir í tilkynningu.

Þar segir að tilgangur viðburðarins hafi að kynna Ísland fyrir almenningi í London og auka og mynda tengsl við ferðaþjónustuaðila í Bretlandi enda sé Bretlandsmarkaður „gríðarlega mikilvægur“ fyrir Icelandair og íslenska ferðaþjónustu, sérstaklega yfir vetrarmánuðina.

„Það er okkur mikill heiður að fá þessi verðlaun. Fyrir okkur sanna verðlaunin gildi og árangur upplifunarmarkaðssetningar og hvernig hún skilar ósvikinni og ógleymanlegri upplifun. Árangurinn sýnir einnig mikilvægi samstarfs í íslenskri ferðaþjónustu en við héldum viðburðinn með Íslandsstofu, 66°Norður og Bláa lóninu. Við erum þakklát öllum þeim sem komu að málinu og lögðu okkur lið við að veita þúsundum Lundúnabúa innsýn í náttúruundur Íslands í hjarta Soho,“ segir Gísli Brynjólfsson, markaðsstjóri Icelandair, í tilkynningu.

Icelandair hyggst endurtaka upplifunina í Boston og Kaupmannahöfn á næstu mánuðum og bjóða þannig þúsundum mögulegra ferðamanna að upplifa og uppgötva Ísland, í sinni heimabyggð.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …