Samfélagsmiðlar

Næstu mánuðir verða líka að vera metmánuðir

Það voru 161 þúsund farþegar sem flugu með Play í júní.

Nú eru 10 þotur í flota Play, fjórum fleiri en síðasta sumar. Framboðið hefur því aukist verulega en farþegahópurinn stækkar hlutfallslega meira. Óseldu sætunum fækkar því í þotum félagsins en í nýliðnum júní var sætanýtingin 87 prósent. Það er bæting um 7 prósentustig frá júní í fyrra.

Samtals nýttu 161 þúsund farþegar sér ferðir Play í síðasta mánuði og hafa þeir aldrei áður verið jafn margir í einum mánuði. Viðbótin frá því í maí nemur fjórðungi.

„Okkar mikilvægustu mánuðir yfir sumartímann eru fram undan og þar eru horfurnar mjög bjartar; eftirspurnin er mjög sterk og tekjur og arðsemi aukast,” segir Birgir Jónsson, forstjóri Play, í tilkynningu.

Á fyrri helmingi ársins flutti Play 605 þúsund farþega en á sama tíma í fyrra voru þeir 238 þúsund en þá voru þoturnar líka færri eins og áður segir. Í fjárfestakynningu sem Play birti í tengslum við hlutafjárútboð fyrir rúmum tveimur árum síðan, þar sem seld voru hlutabréf fyrir rúmlega 10 milljarða króna, var gert ráð fyrir að félagið myndi fljúga með nærri 1,7 milljón farþega í ár. Eigi það að ganga eftir þá þurfa farþegarnir að vera 174 þúsund á mánuð að jafnaði á seinni hluta ársins en sem fyrr segir voru þeir 161 þúsund nú í júní.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …