Samfélagsmiðlar

„Þetta má ekki koma fyrir aftur“

Ásthildur Sturludóttir, bæjarstjóri á Akureyri, segist taka afsökunarbeiðni útgerðafélags skemmtiferðaskipsins Zuiderdam.

„Við erum ekki ánægð með að svona komi upp því þetta er alls ekki í samræmi við stefnu sveitarfélagsins í umhverfismálum,“ segir Ásthildur Sturludóttir, bæjarstjóri á Akureyri, spurð um reykjarmekkinn sem lagði í gær frá skemmtiferðaskipinu Zuiderdam og yfir Eyjafjörð.

Hún segir að útgerð skipsins hafi beðist afsökunar á atvikinu. „Við tökum því en þetta má ekki koma fyrir aftur,“ undirstrikar Ásthildur en samkvæmt upplýsingum frá útgerðafélagi Zuiderdam þá olli bilun í hitunarkerfi skipsins óvenju mikilli gufumyndun með fyrrnefndum afleiðingum.

Í sumar munu 40 prósent fleiri skemmtiferðaskip koma til Akureyrar en raunin var síðasta sumar. Pétur Ólafsson, hafnarstjóri Akureyrar, sagði í viðtali við Túrista í byrjun viku að hann reikni með að næsta sumarvertíð verði álíka og sú sem nú stendur yfir.

Hvernig líst bæjarstjóranum á það?

„Á meðan við ráðum við fjöldann þá er þetta í lagi en við þurfum að huga að því hvenær það er orðið uppselt. Ég held að allir séu sammála um það að ekki sé endalaust hægt að bæta við.“

Ásthildur segir jafnframt að það þurfi að vera alveg á hreinu hvernig brugðist verði við ef ástand, eins og skapaðist í gær, kemur upp á ný. „Það verður að vera alveg skýrt gagnvart öllum aðilum hvaða leikreglur gilda í Akureyrarhöfn,“ segir bæjarstjórinn að lokum.


Sumartilboð á áskrift

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …