Samfélagsmiðlar

Þurfa að draga úr drægni nýju þotunnar

Þeir sem fyrst tryggðu sér hina nýju Airbus A321XLR fá sínar vélar á fyrri hluta næsta árs. Icelandair gerir ráð fyrir sínum fyrstu eintökum árið 2029.

Það styttist í að Airbus afhendi fyrstu eintökin af hinum langdrægu A321 XLR farþegaþotum en þeim er einmitt ætlað stórt hlutverk hjá Icelandair á næsta áratug. Um er að ræða svokallaðar mjóþotur, með einum gangi, sem komast lengra en flugvélar af þessari stærð hafa hingað til komist með allt að 220 farþega.

Airbus hefur gefið út að þotan eigi að komast 8700 kílómetra eða um tvö þúsund kílómetrum lengra en gömlu Boeing 757 þoturnar sem voru lengi uppistaðan í flota Icelandair.

Þessi mikla drægni fæst með fleiri eldsneytistönkum og þar með einum nýjum bakvið vængina. Þegar fyllt er á þann tank rúmast í honum 13 tonn af eldsneyti sem duga til að auka drægnina um 15 prósent.

Skýringamynd: Airbus
Skýringamynd frá Airbus á eiginleikum XLR þotunnar.

Evrópska flugöryggisstofnunin gerði hins vegar athugasemdir við hönnun þessa tanks og þurfti Airbus að auka eldvarnir í kringum hann sem varð til þess að þotan þyngdist. Og nú herma heimildir Reuters að skrokkur XLR þotanna hafa þyngst töluvert meira en verkfræðingar Airbus gerðu ráð fyrir eða um 700 til 800 kíló.

Viðmælendur Reuters telja að þetta kosti 370 kílómetra í drægni og nú þegar séu sölumenn Airbus farnir að bjóða kaupendum XLR-þotanna að skipta á þeim og A330 breiðþotum þar sem ljóst sé að nýja mjóþotan muni ekki nýtast eins vel og reiknað var með á lengstu leiðunum.

Airbus gerir ráð fyrir að fyrstu kaupendur af XLR þotunni fái sínar fyrstu vélar á öðrum fjórðungi næsta árs.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …