Samfélagsmiðlar

Ætla að halda Akureyrarfluginu áfram

Flugstöðin á Akureyri er að stækka en farþegum þar hefur fækkað í sumar.

Nú í sumar hafa skemmtiferðaskipin í Akureyrarhöfn verið fleiri en nokkru sinni fyrr en farþegum á Akureyrarflugvelli hefur aftur á móti fækkað um tíund síðustu tvo mánuði. Skýringin á því liggur meðal annars í falli Nice Air í vor.

Það varð heldur ekkert af áformum þýska flugfélagsins Condor um flug til Akureyrar og Egilsstaða frá Frankfurt frá vori og fram á haust en það hefði vafalítið aukið umferðina um flugvellina umtalsvert.

Áætlun svissneska flugfélagsins Edelweiss stóðst hins vegar og bauð félagið í fyrsta sinn upp á beint flug til Akureyrar frá Zurich nú í júlí og ágúst. Útgerðin gekk það vel að sögn talsmanns félagsins að þráðurinn verður tekinn upp næsta sumar og þá strax um miðjan júní.

Norðlenskir tengifarþegar í Zurich

Það voru ekki eingöngu svissneskir túristar á leið til Íslands sem nýttu sér þá nýjung að geta flogið beint til Akureyrar. Töluvert var um Íslendinga um borð en líkt og Túristi fjallaði um í vor þá býður Edelweiss upp á flug frá Zurich til fjölda marga áfangastaða. Norðlendingar gátu til dæmis bókað flug að Miðjarðarhafinu hjá Edelweiss eða haldið lengra út í heim með systurfélögum Edelweiss innan Lufthansa samsteypunnar.

Keflavík allt árið

Auk þess að fljúga til Akureyrar þá heldur Edelweiss líka úti flugi til Keflavíkurflugvallar allt árið um kring frá Zurich og verða ferðirnar næstu mánuði að jafnaði þrjár í viku.

Edelweiss er í raun orlofsflugfélag og ekki er hægt að kaupa farmiða á heimasíðu félagsins ef hefja á ferðalagið á Íslandi. Bóka þarf sætin á heimasíðu systurfélagsins Swiss.

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …