Samfélagsmiðlar

Eyðing skóga boðar vandræði í Aþenu

Sérfræðingar telja að eyðing skóga og gróðurlendis í kringum Aþenu leiði til þess að hætta á flóðum aukist og hitar í borginni verði meira þrúgandi.

Aþena

Horft af Akrópólis yfir Aþenu og til fjalla

Barátta slökkviliðsmanna við elda á þremur stöðum í Grikklandi hélt áfram í gær. Verst er ástandið í Evros-héraðinu í norðuausturhluta landsins, nærri landamærunum við Tyrkland. Höfuðstaður héraðsins er Alexandroupoli, þar sem búa um 70 þúsund manns. Talið er að gróðureldarnir þar nái yfir stærra svæði en áður hafa verið skráð af Evrópusambandinu. 

Gróðurinn gerir Aþenu lífvænlega – MYND: ÓJ

Ógnir steðja líka að höfuðborg landsins, Aþenu, eftir eldinn sem geisaði á stóru svæði í Parnitha-þjóðgarðinum. Þétt skóglendið þarna í fjalllendinu fyrir norðan Aþenu er gríðarlega mikilvægt fyrir allt lífríki. Harðgerar fururnar tryggja lífvænlegar aðstæður á svæðinu allt um kring – fyrir mikinn fjölda plantna, menn og dýr. Miklir eldar sem fóru þarna um árið 2007 og eyddu um 56 ferkílómetrum af skógi.

Nú er staðan enn verri: 59 ferkílómetrar af skógum Parnitha brunnu á aðeins tveimur dögum – á þriðjudegi og miðvikudegi í þessari viku. Verst er að það eru skammsýnir og heimskir menn sem kveikja eldanna við þessar ógnvænlegu aðstæður sem loftslagsbreytingar hafa leitt af sér.

Afleiðingar skógareyðingarinnar í Parnitha verða þær að hitar í Aþenu verða grimmari en áður og meiri hætta verður af flóðum á regntímanum. Þegar græni liturinn dofnar versnar andrúmsloftið og jarðvegurinn bindur minna vatn. Þegar græni trefillinn ofan Aþenu hverfur munu lífsgæði í borginni versna til muna.

Einu sinni þurftu Aþeningar ekki loftkælingu í híbýlum sínum. Nú er hún lífsnauðsynleg.

Og þó að furan sé þrautseig og skjóti víða rótum, þá gera ítrekaðir eldar út um lífsmöguleika hennar. Það verður því sífellt erfiðara að endurheimta gróður á þessu svæði sem áður var íðilgrænt. 

Ferðamenn leita skjóls undir trjám við Akrópólis – MYND: ÓJ

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …