Samfélagsmiðlar

„Komugjald væri ekki góð leið“

Bogi Nils Bogason, forstjóri Icelandair, er ekki fylgjandi komugjöldum á flugfarþega. Hann telur heppilegra að nota gjaldtöku til álagsstýringar á ferðamannastöðum.

Í komusal Keflavíkurflugvallar á mánudag

Ríkisútvarpið segir á vef sínum að Birgir Jónsson, forstjóri Play-flugfélagsins, sé tilbúinn að skoða upptöku komugjalds á ferðamenn. Orðrétt er haft eftir Birgi:  „Ef að ferðamenn væru að borga einhvers konar komugjald sem að færi í að búa til innviði fyrir ferðamannaiðnaðinn í landinu, ég held að það væri eitthvað sem ætti að skoða. Því við erum með mjög eftirsótta auðlind og við ættum alls ekki að gefa hana.“

Í sömu frétt er haft eftir Boga Nils Bogasyni, forstjóra Icelandair, að hann vilji frekar að horft sé til gæða fremur en fjölda.

Túristi leitaði til Boga Nils Bogasonar um nánari skýringar. Er hann að tala um aðgangsstýringu, einskonar náttúrupassa, eða vill hann sjá komugjald eins og keppinauturinn?

Bogi Nils Bogason, forstjóri Icelandair – MYND: Icelandair

„Flug og ferðaþjónusta skila í dag gríðarlegum skatttekjum til í ríkissjóðs sem hægt væri að nýta mun betur til uppbyggingar innviða fyrir ferðaþjónustu en gert er í dag og nýverið var tekin ákvörðun um að leggja á varaflugvallargjald,“ segir Bogi Nils í svari við fyrirspurn Túrista – og bætir við:

„Ef horfa á til frekari gjaldtöku á flug og ferðaþjónustu, þá tel ég að komugjald væri ekki góð leið. Miklu frekar ætti að horfa til þess að nýta gjaldtökuna til álagstýringar á sama tíma og hún skilaði fjármunum sem myndi nýtast til uppbyggingar innviða fyrir ferðaþjónustuna.“

Ferðafólk kveður landið á Keflavíkurflugvelli – MYND: ÓJ

Bogi Nils nefnir sem dæmi:

„Ferðamaður sem færi að skoða Gullfoss og Geysi um miðjan dag í júlí ætti að borga meira en ferðamaður sem færi eingöngu um Austfirði. Að sjálfsögðu myndi það sama gilda um ferðamenn sem koma með skipum og flugi. Með þessu móti væri hægt að stýra álaginu á helstu náttúruperlur betur en áður, sem er algjörlega nauðsynlegt til þess að ferðaþjónustan, og þar með íslenska hagkerfið, geti haldið áfram að vaxa og dafna. Komugjöld í Keflavík hjálpa ekkert til við slíka stýringu.“

Ferðamenn við Strokk

Ferðamenn bíða þess að Strokkur gjósi – MYND: ÓJ

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …