Samfélagsmiðlar

Tveir bandarískir sjóðir seldu í Icelandair í vikunni

Sex erlendir fjárfestar eru á lista yfir 20 stærstu hluthafa Icelandair. Markaðsvirði flugfélagsins hefur lækkað um rúmlega 15 milljarða frá birtingu uppgjörs fyrir annan ársfjórðung þann 20. júlí sl.

Bandaríska verðbréfafyrirtækið Briarwood Capital Partners varð næst stærsti hluthafinn í Icelandair í byrjun febrúar með 3,67 prósent hlut. Markaðsvirði hlutabréfanna var þá 3,2 milljarðar króna.

Hlutur Briarwood hefur hins vegar lækkað um nærri helming síðastliðið hálft ár og í byrjun vikunnar losaði sjóðurinn sig við hlutabréf í Icelandair fyrir rúmlega 200 milljónir króna. Þetta má sjá á nýjum hluthafalista Icelandair en þar er Briarwood skráð fyrir 1,93 prósentum.

Briarwood er ekki eini bandaríski sjóðurinn sem hefur dregið úr fjárfestingunni í Icelandair því það hefur Miri Capital einnig gert. Sá sjóður átti 1,48 prósent hlut í flugfélaginu um síðustu áramót en er í dag skráður fyrir 0,99 prósentum. Sjóðurinn seldi bréf í Icelandair í vikunni fyrir nærri 100 milljónir króna.

Líkt og Túristi fór yfir í apríl sl. þá komst verðbréfafyrirtækið Fossar á lista yfir stærstu hluthafa Icelandair í vor með 469 milljónir hluta. Sú eign nam álíka mörgum bréfum og Miri Capital og Briarwood höfðu selt vikurnar á undan en Fossar hafa séð um að kaupa hluti í Icelandair fyrir bandarísku sjóðina tvo. Það er því ekki útilokað að bréfin sem Fossar eru skráðir fyrir séu í raun eign bandarísku fjárfestanna.

Á listanum yfir 20 stærstu hluthafana í Icelandair eru sex erlendir fjárfestar og nýjasta viðbótin við þann hóp er bandaríski sjóðurinn Magna Umbrella með 0,94 prósent. Markaðsvirði þessara bréfa er um 730 milljónir króna en gengi hlutabréfa í Icelandair hefur lækkað um 17 prósent frá því að uppgjör fyrir annan ársfjórðung var birt 20. júlí sl. Þrátt fyrir þá niðursveiflu þá hefur gengi bréfanna hækkað um 18 af hundraði í ár.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …