Samfélagsmiðlar

Viðbúið að losunargjöld muni eingöngu dempa vöxtinn

Það verður dýrara að fljúga í framtíðinni að mati greinenda því opinberar álögur á flug eru að aukast. Sérstaklega í Evrópu.

Farþegar og flugvélar á Charles de Gaulle í París.

Gera má ráð fyrir að kostnaður flugfélaga við að draga úr kolefnislosun muni valda töluverðum hækkunum á farmiðaverði frá og með árinu 2026. Það mun þó ekki valda samdrætti í flugumferð heldur aðeins draga úr vextinum að mati sérfræðinga ráðgjafafyrirtækisins Bain&Company.

Þeir telja að áhrifin verði ólík eftir heimshlutum og mest í flugi milli Evrópu og Norður-Ameríku sem er einmitt sá markaður sem Icelandair og Play byggja sinn rekstur á að miklu leyti.

Gangi spá ráðgjafafyrirtækisins eftir þá verður eftirspurn eftir flugi yfir Norður-Atlantshafið 17 prósent meiri árið 2030 en árið 2019. Ef losunargjöld myndu ekki valda fyrrnefndum hækkunum á farmiðaverði þá er viðbúið að markaðurinn myndi stækka ennþá meira eða um 22 prósent. Opinberar álögur á mengun frá flugi dempa því aðeins vöxtinn að mati Bain&Company

Þessi spá byggir á auknum hagvexti næstu ár en verði hann hann lítill eða enginn þá gæti svo farið að markaðurinn fyrir flug yfir Norður-Atlantshafið muni ekkert stækka eins og sjá má á myndinni hér fyrir neðan.

Spá Bain&Company um eftirspurn eftir flugi árið 2030 í samanburði við 2019.

Reglur Evrópusambandsins um losun frá flugi verða hertar tölurvert í lok þessa árs en íslensk stjórnvöld hafa fengið vilyrði fyrir aðlögun að breytingunni til ársins 2027 vegna fjarlægðar landsins frá meginlandi Evrópu. Ekki liggur nákvæmlega fyrir hvernig að þessu verður staðið en ætlunin er að úthluta Íslandi sérstökum losunarheimildum sem stjórnvöld geta svo komið áfram til þeirra flugfélaga sem fljúga héðan, bæði íslenskum og erlendum.

Óvíst hvað gerist árið 2027

Ráðmenn í Evrópusambandinu hafa sett sér það markmið að fá stjórnvöld vestanhafs og í Kína með sér í lið um að takmarka losun frá flugi milli heimsálfa frá og með árinu 2027. Ef það gengur eftir þurfa evrópsk flugfélög ekki bara að nýta losunarkvóta í flug innan Evrópu heldur líka fyrir flugferðir til annarra heimsálfa. Að sama skapi yrðu erlend flugfélög að kaupa sér kvóta til að geta flogið til og frá evrópskum flugvöllum. 

Þessi áform voru reyndar uppi fyrir rúmum áratug síðan þegar evrópska losunarkerfið var tekið upp. Þá vildu stjórnvöld í Washington og Peking ekki vera með en hvort breyting verði þar á kemur í ljós á næstu árum. Þá skýrist líka hvort Ísland fær áframhaldandi undanþágu frá evrópska kerfinu í ljósi legu landsins.

Nýtt efni

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …