Samfélagsmiðlar

Frökkum gengur betur en Þjóðverjum

Staða Frakka og Þjóðverja er ólík í efnahagslegu tilliti um þessar mundir. Frakkar njóta góðs af endurheimt ferðaþjónustunnar og vaxandi spurn eftir Airbus-þotum en Þjóðverjar gjalda fyrir orkukreppuna og vandræði í bílaiðnaðinum.

Turkish Airlines stækkar stöðugt pöntun sína á A350-900-þotum frá Airbus.

Framkvæmdastjórn Evrópusambandsins gaf í byrjun vikunnar út nýjar efnahagshorfur. Helstu tíðindin eru þau að á sama tíma og vindar eru hagstæðir í Frakklandi þá er Þýskaland í mótbyr. Mikil umsvif í öðrum ársfjórðungi leiddu til endurmats á horfum í Frakklandi. En það eru vandræði hinum megin landamæranna sem fegra frammistöðu Frakklands, sem hefur ekki verið talin nema miðlungsgóð. 

Veikleikar í undirstöðum þýska hagkerfisins og lítil fjárfesting í framleiðslugetu þess leiddi til þess að spá um 0,2 prósenta vöxt var lækkuð í 0,4 prósenta samdrátt. Á sama tíma voru vaxtarhorfur í Frakklandi hækkaðar úr 0,7 í 1,0 prósent. Svo sem engin ósköp – en vöxtur engu að síður. Hagfræðingar segja að það sé ofmælt að segja að Frökkum gangi vel en aftur á móti sé óhætt að tala um vandræðagang hjá Þjóðverjum. 

Olof Scholz, kanslari Þýskalands, á bílasýningunni í München á dögunum – MYND: IAA Mobility

Ólíkt gengi í þessum tveimur stærstu hagkerfum Evrópu skýrist af ólíkum meginstraumum. Þýska hagkerfið, sem er mjög framleiðslumiðað, berst við að laga sig að því að fá ekki lengur ódýrt gas frá Rússlandi og þurfa í leiðinni að mæta orkuskiptunum á bílamarkaðnum – framgangi rafbílanna. Framleiðsla þýska efnaiðnaðarins, sem er mjög orkukrefjandi, hefur dregist saman um 18 prósent frá 2019 og bílaframleiðsla um 26 prósent. Í Frakklandi eru samdráttartölur í sömu iðngreinum miklu lægri, vel innan við 10 prósent. Frakkar hafa líka notið þess mjög eftir heimsfaraldurinn hversu mikil ferðagleði er í heiminum. Ekkert land er vinsælli áfangastaður ferðamanna: Allir vilja heimsækja Frakkland. Bandaríkjamenn hafa streymt þangað á árinu.

París

Ferðamannabátur á Signu í sumar – MYND: ÓJ

Og aukin bjartsýni í flugheiminum leiðir til þess að pantanir eftir nýjum Airbus-þotum frá smiðjunum í Toulouse hrannast upp. Í lok júlí höfðu Airbus t.d. borist pantanir á 1.000 breiðþotum af A350-gerðinni hvaðanæva að úr veröldinni. Velgengni Airbus er Frökkum afar mikilvæg.

Unnið að smíði A321neo í Toulouse – MYND: Airbus

Efnahagshorfur til lengri tíma eru óvissar í bæði Þýskalandi og Frakklandi – eins og í Evrópu allri. Líklegt er að vöxtur verði hægur á árinu 2024. Ef hægir frekar á eftirspurn í Þýskalandi kemur það niður á Frakklandi. Frönsk fyrirtæki geta ekki vænst stuðnings eins og þau fengu í heimsfaraldrinum. Þar er aðhald boðað í ríkisfjármálum. Í Þýskalandi hefur ríkissjóður hinsvegar mikið fjarhagslegt svigrúm. Spurningin er bara hvernig ríkisfjármálunum verður beitt til að auka framleiðslugetu og bæta samkeppnishæfni þýskra framleiðenda í harðnandi alþjóðlegri samkeppni þar sem umskipti í orkumálum eru óumflýjanleg.  

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …