Samfélagsmiðlar

Helgi tekur aftur við Iceland Travel

Helgi Eysteinsson hefur verið ráðinn sem framkvæmdastjóri Iceland Travel og tekur hann við stöðunni af Ásberg Jónssyni, sem hefur sinnt starfinu tímabundið samhliða því að gegna stöðu forstjóra Travel Connect, móðurfélags Iceland Travel.

„Helgi hefur viðtæka og fjölbreytta reynslu úr íslenskri ferðaþjónustu en hann hóf störf sem fararstjóri árið 1996 og hefur síðan þá, með nokkrum stuttum hléum, unnið að sölumálum, markaðsfærslu,  framkvæmdastjórn og ráðgjöf fyrir hin ýmsu fyrirtæki í íslenskri ferðaþjónustu og tengdum greinum.  Helgi hefur gegnt starfi forstöðumanns viðskiptaþróunar hjá Iceland Travel síðan í apríl, en var þó ekki alveg ókunnugur fyrirtækinu, því hann starfaði sem framkvæmdastjóri Iceland Travel og VITA á árunum 2008-2013,“ segir í tilkynningu.

Þar er haft eftir Helga að honum þyki spennandi að koma aftur á „heimaslóðir“ eftir 10 ára fjarveru.

„Ég sný til baka reynslunni ríkari og er fullur tilhlökkunar að leiða hóp framúrskarandi starfsfólks hjá Iceland Travel til vaxtar og góðra verka.  Iceland Travel er gjörbreytt fyrirtæki að mörgu leyti, enda hafa umsvifin aukist gríðarlega, allt umhverfi ferðaþjónustu hefur tekið stakkaskiptum og nú hafa nýir eigendur tekið við taumunum. Þessar breytingar gera tækifærið og vegferðina framundan einungis meira spennandi, og krefjandi, um leið,” segir Helgi. 

Iceland Travel hefur verið eitt stærsta ferðaþjónustufyrirtæki landsins og starfar eingöngu á heildsölumarkaði en viðskiptavinir fyrirtækisins telja nokkur þúsund um allan heim. Vöruframboð fyrirtækisins er fjölbreytt og samanstendur af skipulögðum rútuferðum, bílaleigupökkum, ráðstefnuhaldi, hvataferðum og dagsferðum fyrir farþega skemmtiferðaskipa. Hjá fyrirtækinu starfa tæplega 100 manns.

“Það er einstaklega ánægjulegt að hafa fengið Helga til liðs við okkur á þessum tímapunkti til að leiða vöxt og viðgang Iceland Travel.  Ég er sannfærður að víðtæk reynsla hans og þekking á umhverfi og innviðum  íslenskrar ferðaþjónustu gagnist okkur vel í að gera Iceland Travel að enn öflugra fyrirtæki fram veginn,” segir Ásberg Jónsson, forstjóri Travel Connect.

Iceland Travel er dótturfyrirtæki Travel Connect, sem á meðal annars Nordic Visitor, Terra Nova,  Iceland Tours, Iceland Unlimited auk fleiri ferðaþjónusutfyrirtækja.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …