Samfélagsmiðlar

Parísarbúar hvattir til að leigja út íbúðir sínar

Forstjóri Airbnb hvetur Parísarbúa til að skrá íbúðir á leigu á meðan Ólympíuleikarnir fara fram í borginni næsta sumar. Búist er við að um hálf milljón gesta nýti sér þá Airbnb.

Við götu í Bastillu-hverfinu

Auðvitað óttast margir að það stefni í að verð fyrir herbergi og íbúðir í París í ágúst á næsta ári fari upp úr öllu valdi vegna þess að framboð dugi ekki til að mæta eftirspurn – og eigendur íbúða vilji nýta sér ástandið og krefjist greiðslu sem margir ráði ekki við. 

Forstjóri Airbnb, Brian Chesky, segir í samtali við Reuters að því fleiri sem skrái íbúðir sínar til leigu haldist verðið viðráðanlegt. Hann hvetur þess vegna Parísarbúa til að leigja sínar íbúðir. Annars lendi margir í vanda vegna þess að ekki sé ekki nóg af hótelherbergjum á þessum tíma. Chesky vísar til könnunar sem sýni fram á að allt að fimmtungur Parísarbúa hafi áhuga á gestgjafahlutverkinu og ef íbúðir þeirra skili sér til Airbnb og nægt framoð verði muni verð haldast innan sangjarnra marka. 

Í Bastillu-hverfinu í París – MYND: ÓJ

Brian Chesky segir að þeir íbúðareigendur í París sem bjóði best kjör miðað við gæði muni koma fyrst upp í leitarvélum. Hann er nokkuð brattur og segist ætla að tryggja sanngjarnt verð á Airbnb-íbúðum þó verð á hótelherbergjum fari hækkandi. Forstjóranum rennur blóðið til skyldunnar þar sem Airbnb hefur verið eitt stuðningsfyrirtækja Ólympíuleikanna frá 2019. 

Place des Vosges er í hjarta Mýrarinnar. Þar er hægt að finna Airbnb-íbúðir á verði í hærri kantinum – MYND: ÓJ

Airbnb hefur mætt töluverðu andstreymi víða að undanförnu, t.d. frá yfirvöldum í New York. Þar takast á hagsmunir þeirra sem vilja leigja húsnæði til skamms tíma og hinna sem þurfa húsnæði til langs tíma vegna fastrar búsetu. Þá hafa ásakanir um svikastarfsemi neytt Airbnb til harkalegra aðgerða.

Ferðamálayfirvöld í París búast við um 16 milljónum gesta í París og nærliggjandi bæjum og borgum vegna Ólympíuleikanna og Ólympíumóts fatlaðra.

Kvöld við Signu. Þar verða Ólympíuleikarnir settir 26. júlí 2024 – MYND: ÓJ

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru mikilvæg tekjulind fjölmiðla allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 starfar samkvæmt íslenskum …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …