Samfélagsmiðlar

Rafskúturnar horfnar í París

Parísarbúar gengu inn í daginn án þess að reka tærnar í rafskútur á gangstéttum borgarinnar. Þær eru horfnar, eins og lofað var eftir að bann var samþykkt í almennri atkvæðagreiðslu í apríl.

Hjólað og ferast í vistænum strætisvagni í París.

Nýr mánuður, ný götumynd í París. Þar eins og í flestum öðrum borgum hafa rafskútur verið áberandi síðustu árin. Eftir miklar kvartanir, slys og óhöpp mætti þessi nýi samgöngumáti andstöðu meðal íbúa og yfirvöld ákváðu að bregðast við. Eins og Túristi sagði frá á sínum tíma var þátttaka í atkvæðagreiðslu meðal borgarbúa um framtíð rafskútanna þó afar dræm eða 7,5 prósent. En í París virða menn atkvæðagreiðslur þó fáir taki þátt í þeim.

Rafskútur við veitingahús í París í sumar – MYND: ÓJ

Fimm ára blómaskeiði rafskútunnar í París lauk 1. september 2023. Radio France International hefur eftir konu sem notast hefur við rafskúturnar að þessi málalok séu sorgleg. Það hafi verið svo þægilegt að geta skotist á milli staða án þess að nota bíl og lenda í umferðarteppu. Önnur fagnar því að öryggi vegafarenda aukist. Farsælla sé að notast við reiðhjól eða taka strætó og neðanjarðarlestina.

David Belliard, varaborgarstjóri, sem hefur samgöngumál á sinni könnu, segir að þrátt fyrir að skútuleigurnar hafi tekið sig á og dregið hafi úr slæmri umgengni þá dugi það ekki til. Aðstæður sem skúturnar skapi í umferðinni og þrengslin á gangstéttunum séu ekki ásættanlegar.

Þrjú leigufyrirtæki, Lime, Tier og Dott, hafa smám saman að undanförnu fjarlægt um 15 þúsund skútur og sent þær nothæfu til annarra borga, þ.á m. Kaupmannahafnar og Lundúna. Einhverjar verða þó eftir í bæjum og hverfum utan borgarmarka Parísar. Leigufyrirtækin vonast til að halda einhverjum hluta viðskiptanna með því að auka framboð á reiðhjólum í París. En allir sem kunnu að meta kraft og lipurð rafskútanna syrgja þær í dag í París.

Tómlegur leigustandur fyrir reiðhjól í París – MYND: ÓJ

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …