Samfélagsmiðlar

Rafvæðing skemmtiferðaskipa hafin í Reykjavíkurhöfn

Fyrsta skemmtiferðaskipið hefur verið tengt rafmagni um landtengingu á Faxagarði í Reykjavíkurhöfn. Á næstu árum verður ráðist í að koma á aflmeiri tengingum fyrir stærstu skipin sem leggjast að við Sundabakka.

MS Maud

MS Maud frá Tromsö varð fyrst skemmtiferðaskipa að fá rafmagn um landtengingu í Reykjavíkurhöfn

Fyrsta skipið sem var tengt nýrri aðveitustöð á Faxagarði heitir Maud, gert út af Hurtigruten, skráð í Tromsö í Noregi. Áhöfn skipsins og gestir sem biðu við höfnina ráku upp stór augu þegar stjórnmálamennirnir tveir sem höfðu hlutverki að gegna við opnun nýju aðveitustöðvarinnar birtust: Sigurður Ingi Jóhannsson, innviðaráðherra, og Þórdís Lóa Þórhallsdóttir, formaður stjórnar Faxaflóahafnar, mættu brosandi og glaðleg – en studdust bæði við hækju.

Innviðaráðherra ræðir við áhöfn Maud – MYND: ÓJ

Þau eru að eigin sögn á góðum batavegi eftir aðgerðir. Sigurður Ingi hafði á orði við norska áhöfn Maud að þetta sýndi hversu erfitt það væri að vera stjórnmálamaður á Íslandi.

Andrúmsloftið var gott þarna á Faxagarði.

World Traveller og Maud við Faxagarð – MYND: ÓJ

Ocean Explorer við Miðbakka. Skipið strandaði við Grænland og komst í heimsfréttirnar – MYND: ÓJ

Auk Maud lá við Faxagarð skipið World Traveller, sem fresta þurfti för vegna veðurs – og við Miðbakka var Ocean Explorer, sem strandaði á Grænlandi nýverið en er nú komið í skjól í Reykjavikurhöfn, þar sem það verður skoðað. Þetta er í fyrsta skipti í sögu gömlu Reykjavíkurhafnar að þrjú skemmtiferðaskip liggja þar samtímis.

Aðveitustöðin á Faxagarði – MYND: ÓJ

„Landtengingar hafna er risaverkefni,“ sagði Þórdís Lóa þegar hún bauð gesti velkomna. Hún sagði að margir þyrftu að koma að slíku verki og gera þyrfti áætlanir til langs tíma. „Þetta er ævintýralega flókið en afskaplega gaman. Við höfum lagt áherslu á að þetta er hluti af okkar loftslagsmarkmiðum. Við erum með alveg skýra stefnu hjá Faxaflóahöfnum hvert við erum að fara.“

Þórdís Lóa ávarpar gesti. Hafnarstjóri og innviðaráðherra við hlið hennar – MYND: ÓJ

Maud kom til Reykjavíkur í morgun og varð fyrst skemmtiferðaskipa til að fá rafmagn um landtengingu í Reykjavíkurhöfn. Gunnar Tryggvason, hafnarstjóri, sagði að þetta væri mikilvægur áfangi. Í desember í fyrra hafi landtenging fyrir flutningaskip Eimskips komist á við Sundabakka. Nú væri komið að skemmtiferðaskipunum í gömlu Reykjavíkurhöfninni. Landtengingin í gömlu höfninni býður upp á 1,5 megavatt en ætlunin er að í Sundahöfn verði 10 sinnum aflmeiri tenging á næstu árum fyrir stóru skipin. Faxaflóahafnir og Veitur eru í samstarfi um það verkefni.

Gunnar Tryggvason, hafnarstjóri – MYND: ÓJ

„Evrópusambandið hefur sett það sem skilyrði fyrir höfn eins og okkar að komin sé landtenging fyrir öll skip fyrir árið 2030 en við ætlum að reyna að gera betur – vera tilbúin áður,“ sagði Gunnar Tryggvason áður en hann afhenti Sigurði Inga skæri til að klippa á borða og taka þannig formlega í notkun þessa nýju aðveitustöð á Faxagarði sem þegar var farin að skila Reykjavíkurorkunni yfir í norska skemmtiferðaskipið.

Sigurður Ingi Jóhannsson, innviðaráðherra, klippir á borðann – MYND: ÓJ

„Það er gaman að fá að taka þátt í þessu,“ sagði ráðherra og klippti á borðann.

Nýr kafli er hafinn í að gera viðdvöl skemmtiferðaskipa á Íslandi umhverfisvænni, en miklar umræður hafa orðið um mengun þeirra í höfnum landsins. Við Faxagarð leggjast aðeins skemmtiferðaskip af minni gerðinni. Þau stóru menga meira – og þurfa meiri orku, sem mun kosta átak, mikla orku og kostnað, að skila í höfnum landsins.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …