Samfélagsmiðlar

SAS stærst en tómu sætin fæst hjá Play

Svona kom ágúst út hjá norrænu flugfélögunum sem skráð eru á hlutabréfamarkað.

Stjórnendur SAS vonast til að fjárfestar leggi 9,5 milljarð sænskra króna (um 115 milljarða íslenskra kr.) í flugfélagið nú í haust því frestur til að skila tilboðum rennur út þann 18. september. Um leið er ætlunin binda enda á svokallað Chapter-11 ferli sem veitt hefur SAS frið fyrir kröfuhöfum í rúmt ár. Þennan tíma hafa stjórnendur flugfélagsins nýtt til að draga úr skuldum félagsins og skuldbindingum gagnvart flugvélaleigum.

Búist er við að danska ríkið verði stórtækast í hlutafjárútboðinu enda leggja ráðamenn í Danmörku mikið upp úr því að halda starfsemi félagsins gangandi á Kastrup flugvelli. SAS er nefnilega umsvifamesta félagið þar á bæ og um leið stærsta norræna flugfélagið eins og sést á farþegatölum ágústmánaðar.

Samtals nýttu nærri 2,3 milljónir farþega sér ferðir SAS í síðasta mánuði en farþegar Norwegian voru um 5 prósent færri. Bilið á milli þessara tveggja félaga og hinna norrænu flugfélaganna er töluvert eins og sjá má hér fyrir neðan.

Play var aftur á móti það félag sem flaug hlutfallslega með fæst tóm sæti í ágúst en í júlí var sætanýtingin best hjá Norwegian. Svo er ekki núna en þess ber þó að geta að Norse Atlantic hefur ennþá ekki birt farþegatölur sína fyrir ágústmánuð.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …