Samfélagsmiðlar

Sumarvertíðin í plús hjá SAS

Í farþegum talið er SAS ennþá stærsta flugfélag Norðurlanda en Norwegian kemur þar á eftir.

„Árið 2023 verður gott og ef þú nærð ekki að reka flugfélag með hagnaði núna þá ertu í vondum málum,“ fullyrti Svein Harald Øygard, stjórnarformaður Norwegian og fyrrum seðlabankastjóri Íslands, í viðtali við Túrista í byrjun sumars

Og nú í morgunsárið birti helsti keppinautur Norwegian, flugfélagið SAS, uppgjör sitt fyrir tímabilið maí til júlí og niðurstaðan var hagnaður upp á 457 milljónir sænskra króna fyrir skatt.

Sú upphæð jafngildir 5,5 milljörðum íslenskra króna og er þetta fyrsta uppgjör SAS frá árinu 2019 sem er í plús. Kórónuveirufaraldurinn hafði skiljanlega gríðarleg áhrif á flugrekstur árin 2020 og 2021 en mörg félög skiluðu hagnaði strax síðasta sumar. Það var ekki raunin hjá SAS enda fóru flugmenn félagsins í langt verkfall í júlí í fyrra.

Þrátt fyrir jákvæða afkomu nú í sumar þá á SAS ennþá langt í land með að vinna upp tapið mánuðina á undan en yfirstandandi reikningsár hjá SAS hófst 1. nóvember í fyrra og lýkur því í lok október.

Reyna að safna inn hlutafé

Segja má að það hafi verið sérstaklega mikilvægt fyrir SAS að skila ágætis hagnaði á síðasta ársfjórðungi því stjórnendur félagsins reyna þessa dagana að sannfæra stórfjárfesta um að leggja félaginu til 9,5 milljarð sænskra króna eða 114 milljarða króna. Sú innspýting er nauðsynleg svo SAS geti bundið enda á svokallað Chapter-11 ferli sem nú hefur staðið yfir í rúmt ár og veitir félaginu vernd gegn lánadrottnum á sama tíma og unnið er að fjárhagslegri endurskipulagningu.

Líkt og Túristi fjallaði um nýverið þá ætlar SAS að draga nokkuð úr áætlunarflugi sínu Íslands í vetur frá bæði Ósló og Kaupmannahöfn.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …