Samfélagsmiðlar

Varúðarmerki fyrir veturinn

Eftir heimsfaraldur hafa Íslendingar fjölmennt til útlanda og vetraráætlanir flugfélaga og ferðaskrifstofa hér á landi gera ráð fyrir mikilli ferðagleði.

Harmonikkuspilari í París

Harmonikkuleikari í París í nóvember en í vetur fljúga þrjú flugfélög héðan til frönsku höfuðborgarinnar. Þau þurfa því ófáa Íslendinga um borð svo dæmið gangi upp.

Það voru rétt um 45 þúsund Íslendingar sem fóru í gegnum vopnaleitina í Leifsstöð í síðasta mánuði. Í júlí voru þeir nærri 71 þúsund en það er ekkert nýtt að íslensku brottfararfarþegarnir séu fleiri í þeim mánuði en í ágúst.

Það er hins vegar óvenjulegt að Íslendingunum í flugstöðinni fækki um 36 prósent á milli þessara tveggja sumarmánaða, alla vega í eðlilegu árferði. Í heimsfaraldrinum voru sveiflurnar auðvitað miklar enda opnuðu þá landamæri og lokuðu á víxl.

Á árunum fyrir farsóttina voru íslensku farþegarnir 11 til 20 prósent færri í ágúst en þeir höfðu verið mánuðinn á undan. Núna hægði miklu meira á utanlandsferðum Íslendinga en dæmi eru um í sumarlok og leita þarf aftur til ársins 2016 til að finna álíka fáa íslenska brottfararfarþega í Leifsstöð í ágúst.

Langvarandi verðbólga og tíðar vaxtahækkanir kunna að skýra þessa þróun og eins hefur farmiðaverð verið í hærri kantinum nú í sumar.

Framboð á ferðum úr landi var hins vegar mikið í sumar og verður það áfram. Framundan er til að mynda umfangsmesta vetraráætlun í sögu Icelandair og umsvifin hjá Play verða miklu meiri en í fyrra. Til viðbótar eru stórar og smáar ferðaskrifstofur með alls kyns ferðir á boðstólum.

Íslensku flugfélögin og ferðaskrifstofurnar þurfa því á áframhaldandi ferðagleði Íslendinga að halda. Síðastliðinn vetur var fimmti hver farþegi í þotum Icelandair íslenskur og hlutfallið var 36 prósent hjá Play. Hjá ferðaskrifstofunum er það svo auðvitað heimamarkaðurinn sem eru allt í öllu.

Þessi mikli samdráttur sem varð í ferðum Íslendinga í ágúst var óvenjulegur en hvort hann gefi tóninn fyrir veturinn skýrist fljótlega.

Nýtt efni

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …