Samfélagsmiðlar

Batamerki fyrir norðan

Gistinóttum fjölgaði töluvert á Norðurlandi í ágúst miðað við sama mánuð í fyrra og nýtingarhlutfallið hækkaði aðeins. Það var hinsvegar heldur lakara í júlí. Ferðaþjónustufólk fyrir norðan fagnar því að tekist hefur að endurheimta íslenskt ferðafólk eftir heimsfaraldurinn.

Frá Akureyri: nýr viðlegukantur í smíðum, gamla Hótel KEA og kirkjan

Seldum gistinóttum á Norðurlandi fjölgar áfram samkvæmt tölum frá Hagstofunni. Þær hafa ekki áður verið fleiri í júlí og ágúst. Mest er fjölgunin í ágúst, „sem sýnir enn betur þá þróun að sumartímabilið er orðið lengra og teygir sig nú frá maí og vel inn í september. Þar spilar aukið millilandaflug um Akureyrarflugvöll lykilhlutverk,“ segir í frétt frá Markaðsstofu Norðurlands. Flugfélögin Transavia og Edelweiss hafa flogið til Akureyrar í sumar.

MYND: Markaðsstofa Norðurlands

Markaðsstofa Norðurlands bendir á að gistinóttum íslenskra ferðamanna hafi fjölgað töluvert frá því fyrir heimsfaraldur. Í júlí voru gistinæturnar til dæmis tæplega 60 prósent fleiri en árið 2018 og í ágúst voru þær rúmlega í 145 prósent fleiri en árið 2018.

Stærstu „hótelin“ á Akureyri eru skemmtiferðaskipin – MYND: ÓJ

Nýtingarhlutfall hótelherbergja á Norðurlandi var heldur lakara í júlí en í sama mánuði í fyrra en betra í ágúst. Það var rúmlega 80 prósent í júlí og 83 prósent í ágúst. Það er álíka og það var 2017 en töluvert lakara en 2016 – en gistinóttum hefur hinsvegar fjölgað mikið eins og sést á töflunni að ofan.

MYND: Markaðsstofa Norðurlands

Markaðsstofan bendir réttilega á að tækifæri séu til staðar til að taka á móti fleira ferðafólki yfir sumarið og sagt að í því tilliti sé „ samstaða ferðaþjónustufyrirtækja, sveitarfélaga og annarra hagsmunaaðila mikilvæg.“

Lengi hefur verið talað um að það skorti gistipláss í efsta gæðaflokki á Akureyri og því fari bærinn og svæðið allt á mis við mikil tækifæri í ferðaþjónustu.  

Á fimmtudag verður kynnt vöruþróunarverkefnið Straumhvörf, sem snýst um tækifæri ferðaþjónustunnar í tengslum við millilandaflug á Norður- og Austurlandi.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …