Samfélagsmiðlar

EasyJet ræðst til atlögu við rokksveit frá Leicester

Hljómsveit fimm stráka frá Leicester á Englandi hefur verið hótað málsókn frá flugfélaginu EasyJet ef hún skipti ekki um nafn hið fyrsta. Strákunum þykir þetta drepfyndið en flugfélaginu er alvara.

Spotify-síða Easy life

„Við höfum verið lögsóttir. EasyJet lögsækir okkur fyrir að kalla hljómsveitina Easy life. Þau neyða okkur til að skipta um nafn eða ella verjast lagalega með kostnaðarsömum hætti, sem við myndum aldrei ráða við peningalega,“ segir í færslu strákanna í Easy life á Facebook. Þeir segjast fullvissir um að tilvera þeirra hafi aldrei ógnað starfsemi flugfélagsins. En þó að þeim þyki málatilbúnaður þessi allur hinn skringilegasti þá séu þeir í raun máttvana gagnvart risa eins og EasyJet.

„Við biðjum alla þá afsökunar sem keyptuð tónleikamiða af okkur en enduðu um borð í ódýru flugi til Tenerife,“ segir í færslunni og sannast þar kannski að rokksveitir hafa meiri húmor en flugfélög.

Færsla Easy life – MYND: Facebook

Þetta er ekki í fyrsta sinn að forsvarsmenn EasyJet sækja fast að fyrirtækjum sem leyfa sér að nota forskeytið easy í nöfnum sínum. Árið 2008 var veitingastaður í Northampton neyddur til að breyta nafni sínu EasyCurry og 10 árum síðar sótti flugfélagið að Netflix vegna gamanþáttaseríu sem efnisveitan kallaði Easy. Þá féllst póstverslunarfyrirtækið EasyLife á að greiða fyrir notkun nafnsins. En póstverslun er líklega ábatasamari en hljómsveitabransinn – og því lúffa strákarnir sem notað hafa sama nafn. Spurningin er hinsvegar hvort orðspor stóra flugfélagsins styrkist við það.

Nýtt efni

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …