Samfélagsmiðlar

Evrópusambandið hagnast á afsláttarstefnu Breta í losunarmálum

Með því að slá af kröfum um eigin losun eru Bretar að færa Evrópusambandinu auknar tekjur af losunargjöldum næsta áratuginn - í stað þess að láta þær renna í ríkissjóð Bretlands.

Hjá British Steel í Scunthorpe

Markaður með losunarheimildir hefur hrunið í Bretlandi eftir að Rishi Sunak, forsætisráðherra, greindi frá tilslökunum frá loftslagsmarkmiðum Breta. Losunarheimildir í Bretlandi eru nú um helmingi ódýrari en í Evrópusambandinu. 

Væntanlegum kolefnisskatti á ytri landamærum Evrópusambandsins er ætlað að refsa þeim löndum sem bera minni kostnað vegna losunar en sambandslöndin. Þannig á að verja hagsmuni fyrirtækja í Evrópusambandinu í samkeppni við fyrirtæki sem búa ekki við jafn harðar kröfur heimafyrir um minni losun. Lækkun álagðra losunargjalda í Bretlandi þýðir þá einfaldlega að breskir útflytjendur þurfa að greiða Evrópusambandinu hærri kolefnisskatt frá árinu 2026 þegar gjaldtakan hefst.

Lægri losunargjöld heima í Bretlandi leiða til þess að breski ríkiskassinn verður af tekjum. Bresk fyrirtæki fá reikninga frá Brussel en ekki Westminster, eins og það var orðað í Financial Times. Áætlað er að í byrjun næsta áratugar þurfi bresk fyrirtæki að greiða Evrópusambandinu nokkur hundruð milljónir punda til að brúa kostnaðarmuninn á milli þess sem greitt er vegna losunar í Bretlandi og þeirra viðmiða sem gilda í Evrópusambandinu. 

Logsuða hjá British Steel – MYND: British Steel

Nú um mánaðamótin var innleidd sú regla að útflytjendur á tilteknum varningi til Evrópusambandslanda verða að skrá losun við framleiðslu. Þetta er gert til að undirbúa væntanlega gjaldtöku og fylgir þessu töluverður kostnaður fyrir viðkomandi fyrirtæki. Um er að ræða framleiðendur á járni, stáli, áli, sementi, áburði, vetni og rafmagni.

Það gæti komið sér mjög illa við vaxandi vindorkuiðnað í Bretlandi, sem treystir á útflutning til meginlandsins, ef hann verður látinn falla undir meginreglu um losunargjöld á breska rafmagnsframleiðslu vegna þess hversu hátt hlutfall hennar, eða 40 prósent, má rekja til brennslu kola og olíu.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …