Samfélagsmiðlar

Hagnaður Tesla dregst saman

Tesla hefur tilkynnt um að hagnaður fyrirtækisins hafi minnkað um 44 prósent eftir að verð á bílum sem fyrirtækið framleiðir var lækkað um 25 prósent til að bregðast við harðnandi samkeppni. Í næsta mánuði kemur framtíðartrukkurinn Cybertruck á markað.

Model Y er mest seldi bíll Tesla

Niðurstöðutölur úr rekstri Tesla á þriðja ársfjórðungi ollu vonbrigðum á Wall Street í gær. Verðið á nýjum bílum fyrirtækisins hafði verið lækkað til að viðhalda sterkri stöðu Tesla á markaðnum en þau áform gengu ekki eftir. En þrátt fyrir það er reksturinn réttu megin við núllið. Nærri 2 milljarða dollara nettó hagnaður varð af rekstrinum frá júlíbyrjun til loka september – en þetta var 44 prósentum minni hagnaður á hlut en 2022. Þá skilaði salan 3,3 milljörðum dollara í hagnað.

Frumgerð að framtíðarbílnum Cybertruck – MYND: Tesla

Elon Musk, forstjóri og aðaleigandi Tesla, ávarpaði fjárfesta og sagðist vilja draga úr væntingum manna um að framleiðsla á nýjum rafmögnuðum framtíðartrukk, Cybertruck, muni skila skjótum hagnaði. Hann sagði að það myndi taka um eitt og hálft ár af því að margt þyrfti að yfirvinna áður en framleiðslan kæmist á fullt skrið. Cybertruck, sem talað er um sem jeppa eða pallbíl, fer á markað í nóvember.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru mikilvæg tekjulind fjölmiðla allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 starfar samkvæmt íslenskum …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …