Samfélagsmiðlar

Innanlandsflug stóreflist í Kína

Stærstu flugfélögin í Kína greindu fyrir helgi frá hagnaði af rekstri á þriðja ársfjórðungi. Er það í fyrsta skipti í meira en þrjú ár að þau fagna svo góðri afkomu. Vonast flugfélögin eftir því að samdráttarskeiðinu sem fylgdi heimsfaraldrinum sé þar með lokið.

Horft yfir Sjanghæ - Unsplash

Horft yfir miðborg Sjanghæ

Flugmálayfirvöld í Kína kynna um helgina flugáætlanir fyrir komandi vetur og næsta vor. Stefnt er að því að framboð af flugferðum í innanlandsflugi verði þriðjungi meira en það var í heimsfaraldrinum eða rúmlega 96 þúsund flugferðir á viku. Þar af verða 7 þúsund áætlunarferðir til 516 nýrra áfangastaða.

Aukningin í innanlandsflugi felst í fjölgun flugferða við helstu tengiflugvelli, eins og í Sjanghæ, Beijing og Guangzhou. Þetta er ein meginforsendan fyrir því að alþjóðaflugið eflist verulega að nýju.

Batinn er enn hægari í alþjóðafluginu. Á næstu fimm mánuðum verða þó 16.680 flugferðir milli Kína og annarra ríkja í hverri viku. Búist er við að alþjóðaflugið nái í vetur að verða 71 prósent af því sem það var fyrir fjórum árum. 

Kínversku flugmálayfirvöldin segja raunar að hvað varðar flug til nokkurra landa, eins og Ítalíu og Bretlands, sé flugumferðin álíka eða jafnvel meiri en hún var fyrir faraldur. Búist er við því að vikulegum flugferðum á milli Kína og Bandaríkjanna fjölgi úr 48 í 70 í vetur. 

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …