Samfélagsmiðlar

Ítalir hækka skatta á eigendur íbúða í skammtímaleigu

Tillaga verður lögð fyrir ítalska þingið í tengslum við fjárlagagerð næsta árs um að lagður verði sérstakur skattur á þá sem eiga fleiri en eina íbúð í skammtíma útleigu. Með þessu er brugðist við óánægju vegna áhrifa Airbnb á húsnæðismarkaðinn.

Róm

Í miðborg Rómar

Húsnæðisskortur er í víða í borgum Ítalíu eins og annars staðar – og auðvitað er sérstaklega vöntun á húsnæði fyrir ungt fólk miðsvæðis á viðráðanlegu verði. Gagnrýnd hafa verið mikil umsvif Airbnb og annarra leigumiðlana, sem breyti heilu hverfunum í vinsælustu borgunum í ferðamannaíbúðir.

Lög á Ítalíu heimila fólki að leigja eigin íbúðir og greiða 21 prósent í skatt af leigutekjum. Þennan skatt hyggst Giorgia Meloni, forsætisráðherra, nú hækka í 26 prósent á alla þá sem leigja út fleiri en eina íbúð.

Múrari í Feneyjum

Múrari pússar hús í Feneyjum – MYND: ÓJ

Í fyrstu tillögudrögum voru raunar uppi áform um að hækka skatta á alla sem leigja út íbúðir, eina og fleiri, en horfið hefur verið frá því. Þessi nýjasta skattatillaga er því fremur væg og eftir er að sjá hvort hún dregur úr áhuga einhverra á að hafa margar íbúðir í útleigu til ferðamanna.

Fjárlagafrumvarp ríkisstjórnarinnar verður lagt fyrir ítalska þingið í dag.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …